Scheuall The saide day It was deliuerit be ane Suorne assis' Johne Colison' forspekar that hay de Rodis franchman in Dep sal pay to Johne Schevall xv frankis viij s' for ilkan frank for fraucht of ar se certan gudis et cetera

The saide day patrik leslie and Jonhne ramsay one that ane part and William Duncan one that vthir part oblist thame be thar handis vphaldin to stand' at the consal anent the debatis betuix thame

Curia balliuorum de abirdene tenta In pretorio eiusdem xxvj die Julij anno quo Supra

prat Steuart The saide day Thomas prat complenyet to the aldirman and balyes apon Jonhne steuart that he had strubulit him gretlie besekand' tham of remede of law the said' Jonhne accusit be the balyeis denyit the said strubulance Ande in continent the said action' was put to the decision' of thir personis Alexander menyeis alexander rede alexander chamer Dauid menyes Jonhne Colison' gilbert menyes Androw murray eldar alexander gray Jonhe retre William thomson' Williame Colp and Williame goldsmith suorne in ane assis' quhilkis riplie auisit deliuerit be the moutht of the said Dauid menyes that the said Jonhne steuart had strubulit the said' thomas prat

Statutum pro appreciacione carnium The saide day the aldirman chargit the balyeis in the kingis name and in the tovnis that thai pas' euere settirday and ale vthir th tymes conuenient tharto with the suorne prisaris suorne tharto to the flessaris ande ger' pris' al thar' flesche beyf and mvtone and writ the price apone euere Carcage and mvtone bouk and that Thomas leslie begyne the first oulk and ane sergeand' with him and sa furtht Ilkan bailye in his oulk As thai wile ansuer' to the tone apone the execucion' of thar office And' atour the aldirman chargit the flessaris in the kingis name and the tovnez' that thai sele nay flesche beyf nor' mvtone to nay persone quhill it be prisit vndir the pane of eschetis and brekin of common' ordinance of the tone and that the balyeis and prisaris pas' euere day quhen tyme is and pris' the saide flesche