baxtaris pro cera The saide day Richard redhed patrik clerk and Donald baxtar ilkan of tham in ane Amerciament of the court be thar avne gravnt for brekin of the pace in bakin of bred' et cetera for the quhilkis Ilkan sal pay j li' wax to the haly blud' licht

The saide day thome Alexandersone was conuikit for strubulance of Jhon' annand' in word et cetera Ande gif euere he committis ony strubulance to the saide or the said Jhon' to him and beis conuikit tharof sale pay xx s' to Sanct nicholes werk and the saide thomas j barrel of wax to the haly blud' licht

Scrogy The saide day Jonhne Scrogy was conuikit be ane Suorne assis' patrik leslie forspekar' for the wranguys' avay takin of brok of corne out of Alexander chameris yarde quhilkis his avne Catall drew herfor the saide Jonhne was in ane Amerciament of the court' et cetera and to Amend' as law will

Statutum pistorum The saide day It was statut' and ordanit be the consall for the commone profit of the towne In presence of the baxtaris that ale baxtaris of this tone sal bak brede of quhet clene fresche and gude Stuf wele bakin to furnys' the tone the tua penny brede weyand' xxv vncez and the penny brede xij vnce and demi / Ande gude Ry brede clene boutyt lavynnit and wele bakin the tua penny brede off xxxiiij vnce the penny brede weying xvij vnce Ande vnboutit the tua penny brede weyand' xxviij vnce and the penny brede xix vnce And that nayne baxtar sal Sele nay brede in tymes to Cum quhil ane balye or' ane sergeand' cum with wechtis and wey thar' brede and consider and vndirstand that thai halde the saide wecht Ande quhat baxtar that falyes hertintill and beis conuikit tharof sale be expellit the Craft for ane yer and his brede to be eschetis And that nane sel bred to ald' Abirdene nor to outduellaris of les' wecht and gif ony dois and beis conuikit tharof sal pay x s' to Saint nicholes werk and salbe expellit fra the craft for' ane yer'

the abbat and prior of bonacord' anno domini et cetera nonagesimo nono One maij day at the woman hill the aldirman balyes and' Consale grantit and promittit to abbat and priour of bonacord' tene merkis to thar fe for this yeris seruice