liell bavne The saide day It was deliuerit be ane Suorne assis' Robert blinsel forspekar that Alexander liell sal pay xxiiij s' to henry bavne and he sal deliuer him his legharnes gorgeat and forgeir'

murray thomsone The saide day Dauid murray and Jonhne thomsone was quyt of al strubulance of Jonhne litstar' be ane Suorne assis' Robert blinsel forspekar'

Statutum The saide day It was statut and ordanit that al nichbouris and Induellaris this burghe sal sende thar seruandis with spadis barrowis and schulis to morne be houris in the morning to the saide nes' thar' be command' of the aldirman and the Officiaris to cast fossis et cetera and Ilkan houshalder ane seruand' at the lest Ande that al pynouris stabillaris and cartaris hevand hors' be thar with thar' hors' and cartis to the furnysing of the samyn and that nay hors be yekit vndir the payne of Eschet' and that nay buthtis be oppin' for laboring nor wirking vnto the tyme the saide fossis be castyne and maid' be the Sicht and commavnde of the aldirman balyes and consale And that nay' Induellar' of this burghe pas' vteuche the tone vndir the panys' contenit in our Souerane lordis of proclamacion And that al outburges cum and reman personalie within the burghe' vndir the panys contenit in the samyn

Statutum The x day of Julij yer forsaid' It was statut and ordanit be the aldirman balyeis and consal for the resisting of our ald' Inemeys of Ingland' that al nichtbouris of this burghe sale Inbring and sustene Certane landmen and Ilkan eftir thar substance to the defence of the tone agan the gret navy of Ingland ay and to the tyme the saide nauy remoyve fra thir partis for the quhilkis thai haue chosin thir personis Androw Culane yongar Jonhne Wormet Androw murray eldar Alexander gray Dauid mathesone and William futhes taxtoris tile extent the tone how mony personis landmen Ilkane mane sal beir' be thar aithis bodelie suorne

the statut' for the wache the xiiij day of julij the yer' forsaide It was statut and ordanit be the aldirman and Consale for the Sayfty of the tone' that thir personis vndir writin sale be hedez of the wache In the first the xiij in nycht of Julij prepositus the aldirman the xiij nycht of Julij Alexander menyes the xiiij nycht Robert blinsel the xv nycht Alexander chamer the xvj nycht Dauid menyes the xvij nycht Alexander Rede the xviij nycht Thomas prat the xix nycht Jonhne of Culan the xx nycht Jonhne Colisone the xxj nycht Jonhne Wormet the xxij nycht Jonhne Knollis the xxiij nycht of Julij Androw murray eldar the xxiiij nycht Alexander gray the xxv nycht' William futhes the xxvj nycht Jonhne blak the xxvij nycht Alexander mar' the xxviij nycht Dauid mathesone the xxix nycht Jaems Colisone the xxx nycht Androw Cullane yongar the last nycht William portar the first nycht of August Robert crag the secunde nycht of August