the aldirmannis Compt The xxviij day of aprile the yer' forsaide sere Jonhne ruthirfurde knicht aldirman exponit and Schew to the consal how the tone was vndir Summonce be diuers' partiis beseking thame to provide for expensis to the defens' of the Samyn considerand' thar' common' gudis was exponit And' atour the aldirman deliuerit in his Compt' of his expensis of the termes of martimes bigan and Witsonday next to Cum extending to xix li' and j d'

The saide day aldirman balyeis and personis befor Inmediatlie writin representand' the body of the tone opinlie warnit be the handbel of thar fre motywe wile and deliuerance grantit and gaf to sere Jonhe Stirueling thar' common' clerk for his gude seruice done to tham the first perpetuale cheplanry or seruice being' at thar' gyst exceding tene markis be the yer' the saide sere Johne doing' dyvine seruice tharfor eftir the tenor' of the fundacion of the samyn say that the saide sere Johne gif to mastir androw crafurd' perpetual chaplanry or seruice of tene markis be the yer' Ande gif the saide sere Jonhne happinnis to Refus' the saide cheplanry to be vteuche the Realme or veseit out of this warld' as god forbed' thane the saide mastir Androw sal haue the Samyn ale the dais of his lyve he doing tharfor dyvine seruice attour to the fundacion of that verk

menyeis Androw murray eldar alexander gray Richerd' Waus Dauid mathison' Jonhne Waus mathow branche george bysset James Craik Johne Retre patrik rede and Richerd hill yongar grantit and gaf to mastir androw Craufurde for his gude seruice done and to be done within thar parys' kirk of Sanct nicholes the first perpetuale chaplainry or seruice that happinnis to vaik being at thar' disposicion of the profit and availe of tene markis or within the valour of tene markis be yer' the saide mastir Androw doing tharfor dyvin seruice as efferis eftir the tenor' of the fundacion' of the Samyn

Canny leis The saide day Canny leis was in ane amerciament of the Court for the strubulance of Androw chamer and to amend as law wile and forber' in tym to Cum and the saide Androw was conuikit for strubulance of hir' in word for the Amendis of the saide Offence and strubulance It was deliuerit and ordanit that the saide Agnes sal pay tua merkis to Sanct nicholes werk vnforgevin Ande gif euire scho dois ony w strubulance tile ony persone and beis conuikit tharintill scho salbe declarit common' and pvnist tharfor eftir the forme of law Ande atour thai ordanit the saide agnes to Syt done one hir kney and ask the saide Androw forgyvnes

Abbat of bonacord' The viij day of maij the yer forsaid' the aldirman balyeis and Consale present for the tyme at the woman hill for vphaldin of the ald' louabile Consuetud' honor Consalacion and plesour of this burghe' lik as has bene vsit in tymez of thar' wourthie and honorabil' progenitoris chesit thomas leslie and Robert of Cullane coniunctlie abbatis and priour of bonacord' tile vys' and excerce the saide office this Instant yer and grantit to pay thame v merkis of the common' gudis this tyme tuelf monetht