the feing of the mastir masone The saide day mastir lanslat mastir masone has conducit and feit him personalie with the aldirman and Counsale In the tovnis nayme to Remane with thame at thar werk for tua yeris immediatlie to be runnyn and complet fra the next Witsonday hereftir follouing and to wirk continualie in thar' seruice of masone Craft in the vpmakin and bigyne of thar' queir' and kirk werk dalie to wirk mak mvldis hew and lay with his avne handis within the tone and Colly als' lang and als' oft as he beis chargit be the mastir of the werk Ande Sustene and vphalde the saide werk in al pontis according to ane mastir masone to do in wirking ourseing helpin and furthiring of the masonnis and seruandis of the saide werk and the saide mastir lanslat salbe leile ayfald' and trew to the saide werk and Reman continualie at the samyn and sal nocht pas' tharfra for nay Request prayer' price nor leyf forthir thane he may pas' in the morning and cum hame agan tile his bede at evin Ande to the keping and fulfilling of al thir pontis befor writin the saide mastir lanslat has Suorne the gret bodely aithe and oblist be the fathtis of his bodie the haly ewangil' expressit for the quhilkis the saide tone and Communite sal content and pay to the saide mastir lanslat Ilkan monetht xxxv s' for his fee

glenmaluyn The saide day comperit gilbert fache and In the name of Robert glenmaluyn his gude Sone he protestit Solemptlie that the manuring and occupacion of the forlande pertening to vmquhil' murdow glenmaluyn his fadir and now to him be heritage without tak of him be Robert of Cullane and al vthiris turne him nocht to nay preiudice and for Costis and Skathtis et cetera

Curia balliuorum de abirdene tenta In pretorio eiusdem octauo quinto die mensis maij anno quo Supra

The saide day the aldirman balyeis and diuers' of the communite and thir personis of Counsal vndir writin warnit be the handbell throw the haill toune Representande the body of the tone' that was present and coud' be comprehendit for the tyme that is to say Alexander menyes Robert blinsel David' menyes alexander Rede thomas prat Jonhne Wormet Androw Cullane yongar gilbert menyeis Androw murray eldar alexander gray Richerd' Waus Dauid mathison' Jonhne Waus mathow branche george bysset James Craik Johne Retre patrik rede and Richerd hill yongar grantit and gaf to mastir androw Craufurde for his gude seruice done and to be done within thar parys' kirk of Sanct nicholes the first perpetuale chaplainry or seruice that happinnis to vaik being at thar' disposicion of the profit and availe of tene markis or within the valour of tene markis be yer' the saide mastir Androw doing tharfor dyvin seruice as efferis eftir the tenor' of the fundacion' of the Samyn

Anent the Infirmiteis' to be eschevit The saide day It was ordanit and deliuerit be the aldirman ande Consale that Dauid liell and ale vthiris personis Infekit with this Strangis seknes be Remouit and expellit out of the tone for the eschevin of the saide Seknes and sayfte of the Samyn et cetera and thar' durris closit