Crag belty The saide day Robert crag one that ane part Ande Jonhne Ramsay hatmakar one that vthir part oblist tham be the fathtis of thar bodiis to stand at the ordinance and deliuerance of the aldirman and the consale anent the debatis betuix thame quhilkis riplie auisit the Richtis of batht the saide partiis herd seyne and vndirstandin deliuerit and ordanit the saide Jonhne to Cum One Sonday that next cumis in tyme of the hie mes' in the queir' bringand with him ane Candil of j li' of wax and ask the said Robertis forgivnes for the Offence done to him and Offir' the said Candil to the halie blud' licht And gif euir he committis ony offence to the said Robertis or tile ony vthir siclik nichbouris of this burghe and beis conuikit tharintill he sal pay fourtj schillingis to Sanct nicholes werk vnforgevin

Statutum pistorum The saide day It was statut' and ordanit be the aldirman and consal that the baxtaris sal baik ij penny breid' of gude franche flour' cleyne weilboutit weing' xxxij vncez and of Scottis quhet siclik that be gude and Sufficient Stuf and penny breid' contening xvj vncez and quha that bakis breid' and kepis nocht the pace salbe pvnist be Rigour' of law and the breid' salbe eschetis Ande gif ony bakis myxt Stuf salbe Secludit the craft and pvnist be Rigouris of law

the saide partiis herd seyne and vndirstandin deliuerit and ordanit the saide Jonhne to Cum One Sonday that next cumis in tyme of the hie mes' in the queir' bringand with him ane Candil of j li' of wax and ask the said Robertis forgivnes for the Offence done to him and Offir' the said Candil to the halie blud' licht And gif euir he committis ony offence to the said Robertis or tile ony vthir siclik nichbouris of this burghe and beis conuikit tharintill he sal pay fourtj schillingis to Sanct nicholes werk vnforgevin

Curia balliuorum de Abirdene tenta In pretorio eiusdem antepenultimo die mensis februarij anno quo Supra

the aldirman Jonhne schewall The saide day sere Johne ruthirfurd' aldirman of Abirdene follouit Jonhne Scheuall franchman Induellar of Deip for the wranguis' haldin fra him of iiij barrelis of Salmond' and j frank as he that come Souerte to him for Jonhne Eleyotis for pament of the saide gudis quhilkis the saide Jonhne scheval denyit Ande in continent the saide action' with consent of bath the saide partiis was put to the decision' of an assis' of the best and worthiest vnsuspect burges of the said' burghe quhilkis riplie auisit the gret aithez suorne the Richtis resonnis and allegacionis of bath the said partiis herde seyne and vndirstandin deliuerit and ordanit be the moutht of Alexander Rede forspekar of the saide assis' that the saide Jonhne schevall sal mak pament to the aldirman of the waill of thre barrellis of Salmond' as thai war' sauld' in the tone' of Deipe for Jonhne elyotis dett Ande atour he sal fynde Sufficient Caucion and Souerte to the saide aldirmane to keipe him Skathtles anent his Obligacion' bundin to Jonhne eleyot of fiwe markis