taxt The saide day the counsall and communite gatherit for the tyme lauchfullie warning passing obefor be the premunicion of the hand' bell and circualie Inquerit be philp of Dunbrek officiar' grantit the bill' of the last taxt extentitdit for the viij Inglismen direkit to the tone pertening to the duk of york be our Soueran lord' be Renovit writin agane and Rasit to thar clething' provision' and furnising et cetera

Stirueling liell The saide day William blinsele procuratour to Namy Stirueling requirit Reuerentlie as efferis the Aldirman ande bailyheis to ask Alexander liell to produce ande schew his richtis quhilkis he had to Remane' within the lande pertening to the saide domicell liand' within this burgh' in the vthirkirkgat as day assignit to him peremptourlie eftir the tenour of the act maide obefor Ande the saide Alexander allegit he and his wyf aucht to Remane ande bide in the hous' ande placez that he occupeit at this tyme for ane yer' Ande restorit that poynt to the aithis of thomas leslie bailye and sere Jonhne' stirueling and sere Androw henrisone Ande the saide procurator askit his resone be schewin or ellis the saide lande be Rede quhilkis the saide Alexander denyit to Red Ande in continent the saide action' was put to the decision' of ane assis' of thir personis vndirwritin witht consent of batht the saide partiis sere Jonhne' ruthirfurde Alexander Red Jonhne' of Cullane Jonhne colisone thomas prat' Dauid mathesone Androw branche James colisone Alexander mar William Kintorr and William andirsone eldar quhilkis riplie auisit the Resonis Richtis and allegacionis of batht the saide partiis herd seyne and vndirstandin deliuerit be the moutht of Alexander Red forspekar of the saide assis' that the said Alexander aw to Red and deuoid the said lande in continent and gif the keis fra him to the saide domicell or the officiaris of the tone'

Curia balliuorum de Abirdene tenta In pretorio eiusdem xxix die mensis Julij anno quo Supra

Riddaile The saide day thomas Riddaile was accusit be the bailyheis be wertew of thar office for strublance of the haile tovne vndir cilence of nicht quhilkis the saide thomas denyit and in continent the saide action' was put to the decision' of ane assis' with his consent quhilkis gret aitht suorne' the allegacionis and resonis suorne herd and vndirstandin deliuerit and furthtgefin be the moutht of Robert blinsele forspekar of the saide assis' that thai cuth nocht acquit the saide thomas of the saide strublance for the quhilkis he was in amerciament of the court and to amende as law wile and forber in tyme tocum

Riddaile The saide day thomas Riddaile complenyeit to the bailyheis apone' sere Jonhne stirueling that he wrangvislie strublis him Ande becaus' the saide sire Jonhne' was in ane fensit court and wald nocht dissobey our Souerane lordis officiaris denyit the saide strublance with protestacion it suld nocht turne' him to preiudice anent the preuilege of his Juge ordiner et cetera ande Jurisdiction' of haly kirk Ande in continent the saide action' was put to the decision' of ane assis' quhilkis riplie auisit the resonis and allegacionis of bath the saide partiis herd witnes and preuis led fande and deliuerit be the moutht of the saide Robertis blinsele forspekar of the saide assis' the saide sere Jonhne' quyt and free of ale strublance