Couper The saide day it was deliuerit be ane suorne assis' Williame blinsele forspekar that Alexander couper in the schipraw sale vpmak the yard that he pertenis to sere Jonhne stirueling chaplane of Sanct Jonhnez alter lyande besid Sanct Katherinez hile as gud as It was quhene he Intromittit with It

Copia litteres Regie James be the grace king of scottis to our seref of Abirdene and his deputis and to the aldirman and balyeis of our burgh of Abirdene greting forasmekle' as we ar sickirlie aduertist and Informit that the fredome and preuilege of our saide burgh Abirdene and burges of the samyn ar gretlie preiudicat and skathit be thar nichtbouris and conburges duelland' to lande without be burgh' quhilkis haldis apone bothis selling and biing ale maner of merchandice wole hiddis and skynnis and cumis nocht to our saide burgh' abstrakande thame fra pament of our taxtis to that Intent that the officiaris to burgh' sale nocht destrenyer thame to landwart for our dewiteis and taxtis Ande als be forstallaris at ilk parroch kirk quhilk sellis and byis ale maner of merchandice nocht suffering our liegis to cum to our saide burgh' and market tharof for pament of thar dewites in gret preiudice of vs and our saide burgh' Ande elikwis' be fleschouris listaris cordineris vsing and excercing thar awine craftis and ale vthir maner of merchandice expres' contrar the actis and statutis of our Realme gif it sa be Ande elikwis' be vnlefule nychtbouris and personis within burgh' Nychtwalcaris pikaris Rebellouris brekaris of commone ordinance ande statutis in gret preiudice and skath to ws and incontrar the vniuersale weile of our burgh' and in breking and violacion' of actis and statutis of parliament and in contrar equite and iustice gif it sabe Our Wile is her'for and we charg youe stratlie and commandis that ye in continent thir our lettrez sene but delay pas' be opyn' proclamacion' and warning at the market cors' of our saide burgh' and vthir placis nedfule quhar it efferis command warne' and charg ale nychtbouris and burges of Abirdene' occupying merchandice that thaj within tuenty dais next eftir your proclamacion and warning cum and duell within our saide burgh' of Abirdene and to desist and ceis' fra ale occupacion' of merchandice without the burgh' Ande that nay maner of personis quhat estat or degre thaj be of excers' or ws' vteuche the fredome of our saide burgh ony maner of merchandice bot within the samyne as saide vndir the pane of escheting of ale thar gudis movabile Ande that nay maner of craftismen excers' nor' ws' nay maner of merchandice within burgh' bot his awine craft vthir wais thane thaj ar levit be the law vndir the panis forsaide Ande atour that ye seik and sercht be Inquisicion and vthir wais eftir the consuetud and wse of burrowis ale vnlauchfule personis sic as nychtwalcaris Jukaris Rebellouris brekaris of commone ordinance ande statutis Ande quhaj beis conuikit tharintile be ane assis' that ye puinys thame eftir the quantite of thar trespas according to the lawis of the burgh as said Is Ande this one naywis' ye leif vndone' vndir ale pane' and charge that eftir may folloue The quhilk to do we committ to ye coniunctlie and seueralie our fule power' be thir our lettrez kepand' the samyn for your warande gevin vndir our priuie Seile at Stirueling the xxv day of Nouember' Ande of Regne the aucht yer'

bysset the said day george bisset oblist him to thomas prat and Androw branche in the name of the lawe of the merchantis to pay tham j petj quartar of Salt fre in Abirdene at the hame cumin of the next Schippis And' Alexander matheson' oblist him to pay j petj quartar of Salt to the said george in Abirdene at the hame cumin of the next Schippis gif Jonhne Damar' has nocht pait the petj quartar of Salt that the said Alexander has resavit at this rais' out of Neilbollar schip

carnifices tinctores Scissoris et artifices vten' binis artibus Eodem die Jacobus Kennartj senior Jacobus Kennartj Junior cristoferus prat et Alexander prat Scissores et carnifices posuerunt se In voluntate prepositi et burgi pro occupacione artis proprie et mercancie

Curia balliuorum de Abirdene tenta in pretorio eiusdem vltimo die februarij quo Supra