The saide day it was statut and ordanit ande ordanit be the consall that ale forstallaris in the burgh and vteuthe salbe accusit for forstallin of the burgh' ande punyst tharfor eftir the lovabile' consuetude ande statutis of this burgh'

The saide day It was Statut and ordanit that nay litsteris bakaris blextaris nor' craftismen suld wesche thar' clathis hiddis skinnis nor' vthir stuf in the commone' Revollis lochis nor' ande wattiris And' nay fische quhit nor' Red clathis' nor' foule vyle nay Infectit stuf be weshin nor' castin in the samyn Ande that nay drauchtys be haldin one the said wattiris bot vtirly to be distroit

The saide day is was statut and ordanit that ale candilmakaris within this burgh' sal haue reddy candill to Sell to ale personis weill maide small wekyt ande dry tile Illuminanat Illuminat and schew lycht the punde of maide candillis contening the wecht to be sauld' for iij d'

The saide day It was statut and ordanit that thar salbe ane prewe Inquest takin to cers' ale vnsufficientis personis hous' wattiris Infectouris drauchtis haldaris ande ale vthir poyntis concerning the prewey Inquest

The saide day it was statut and ordanit be the consale that nay aile salbe brewin within this burgh' for this yer' darrar' thane vj d' the galone' vndir the pane' of law Ande the fre folkis to brew thar' aile for vj d' the galone' Ande vnfre for iiij d' the galone'