Ogiluy Robertsone the saide day comperit Alexander chamer of murchill patrik gordone of methtlik Alexander gray and Alexander arbeke procuratoris to ane nobile man sere James ogiluy of Deskfurd' knicht and producit ane testimonial' vndir the seile of Androw Cantulie ane of the balyeis of banff' makinge mention' and schevin that Alexander robertsone burges of banf hed wranguislie Intromettit with ane half nethis fischinge one the wattir of Doverne pertening to the said' knicht be ane assedacion of the burges of banf vndir thar' commone Sele and has wranguislie fischeit the said wattir this Instant yer' and has avay takin and withhaldis the fische and profitis of it quhilkis pertenis to the said knicht as in the samyn mattir fullelie is contenit quhilk certificacion rede herd and vndirstandin was decernit of avale for ony thinge schevin in the contrar' and the said Alexander chamer procurator as said is allegit that the four barrellis of Salmond beinge vndir the kingis rest in futy was fischeit and takin in the said knichtis wattir and was his avne propir gudis and askit ane lauchfule day to be assignit to him to preiwe his allegeance Ande the said Alexander Robertsone allegit the said four' barrelis Salmond his propir' gudis and askit thame to borghe' offeringe redy to finde Souerte to do for tham that efferit him of law And fande ane borghe in the hande of henry Orvm ane of the officiaris of the said burghe that he awche to haue the said iiijor barrelis Salmond' to borghe quhilkis borghe' the said Alexander chamer procurator reconterit sayand' he suld' nocht haue thame to borghe' becaus' thai war propir gudis to the said knichtis and takin in his saide fischingis the said partiis beinge remouit the Court riplie avisit assignit the xix day of October' next to Cum to the said procuratouris to cum within the said' tolbutht befor the balyeis for the tyme and preve thar' allegeance And continevit the decision' of the said borghe and Recontouris to the said day And cristj prat Come Souerte be his hande that the said Alexander Robertsone suld' follou his said borghe the saide day and place and he oblist him to fre the said cristj of his borrougane be his hande vphaldin

Curia balliuorum de Abirdene tenta in pretorio eiusdem xxvjo die mensis Septembris anno quo supra

blabir The saide day Jonhne blabir lauchfullie callit and nocht comperit to ansuer' to the borghe' Strekit apon him be patrik leslie that he has nocht gevin him ane sufficient bile of Rekning of his gudis send with him in Danskin and aw to gif him ane Sufficient bile and wrangis in the haldin of it herfor the balyeis ordanit Androw nachtj sergeand' warn the said Johne to tak ane streis' of the saide Jonhnis and lat it to borghe' and it be askit And warne him to the law day as secund day of proces'

wattir and was his avne propir gudis and askit ane lauchfule day to be assignit to him to preiwe his allegeance Ande the said Alexander Robertsone allegit the said four' barrelis Salmond his propir' gudis and askit thame to borghe' offeringe redy to finde Souerte to do for tham that efferit him of law And fande ane borghe in the hande of henry Orvm ane of the officiaris of the said burghe that he awche to haue the said iiijor barrelis Salmond' to borghe quhilkis borghe' the said Alexander chamer procurator reconterit sayand' he suld' nocht haue thame to borghe' becaus' thai war propir gudis to the said knichtis and takin in his saide fischingis the said partiis beinge remouit the Court riplie avisit assignit the xix day of October' next to Cum to the said procuratouris to cum within the said' tolbutht befor the balyeis for the tyme and preve thar' allegeance And continevit the decision' of the said borghe and Recontouris to the said day And cristj prat Come Souerte be his hande that the said Alexander Robertsone suld' follou his said borghe the saide day and place and he oblist him to fre the said cristj of his borrougane be his hande vphaldin

the cordonaris The saide day Comperit ane discret mane sere Alexander gray chaplane of Sanctis crispini and crispinianeis altar situat' within the parroche kirk of this burghe' Ande producit and schew ane autentywe Instrument vndir the Subscripcion and Signe of sere Jonhne Stirueling notar' public' and seile of thomas fyf makinge mencion' and schevinge that the honest and fathtfule mene of Craft Cordonaris of the said burghe' with ane consent and assent in the honor' of gode almichtj the blissit virgine mary Sanctis nicholes Sanctis crispinj and crispinianj ande al Sanctis had' chosin and takin the said sere Alexander thar' perpetuale chaplan to mak ministracion of dyvine seruice at the said altar as efferis for the quhilkis thai war' bundin to Sustene the said chaplane honestlie as efferis in meyttis drynkis and Sustentacion Circualie be Sevin of the best and worthiast of the said Craft Ilkane ane day in the Oulk Ande payand to him xl s' vsual money of Scotland yerlie to his fee of vthiris the Remanent of the Craft as in the samyn mair' fullie is contenit quhilkis Instrument Seyne and vndirstandin the haill cordonaris lauchfullie warnit Callit and comperit the said chaplane humilie menyt him to the aldirman balyeis and consal that he wantit his fee and part of his dietis in the Oulk beseking thame of Remede of law / quhilk peticion the saidez aldirman balyeis consale and diuers' of Communite vndirstandin richtuis' and consonant to resone with expres' Consent ande assent of the best and worthiast of the said craft ordanit fand' and' deliuerit the saide evident of vaile and the said craftismen to Sustene thar' said chaplane honestlie eftir the tenour' of the samyn Ande maide and ordanit thomas meldrum and Williame ranisone deknys and mastiris of the said craft in that parte to compell and distrenye thar' nichbouris craftismen and cordonaris to the Sustentacion of thar' said chaplane eftir the tenour' of his evident