talyour Duncanson' the said day Johne Duncansone grantit that he hed sett to mathow pacok the chamer that george talyour Inhabitis and Androw fyf procurator to the said mathow requirit the said george to deuoyd and remoywe the said chamer quhilkis the said george grantit to deuoid' et cetera

Duncansone The saide day Jonhne Duncansone oblist him be the fatht of his bodie to content to pay to george talyour' his mache Sevin merkis vsual money of Scotland for his mariage gudis promittit for the mariage of his cistir be him at thar thar termes tua merkis at mydsommur' next hereftir tua merkis att mertymes next thareftir And' xl s' betuix that and Witsonday next thareftir And' atour the said Jonhne grantit his forbutht fre to the said george for this Instant yer' for the quhilkis the said george sale gif ane Sufficient acquitance of ale thingis to the said Jonhne

mar' menyeis Wormet Steuarte Rede The saide day the ballieis with consent of batht the said partiis assignit this day aucht dais to gilbert menyeis William Wormet Dauid Steuarte and henry red to ansuer' perempturlie to the borghe Strekit one tham be thomas mar' for certan frankis and costis maid' be the said thomas In Deip And the said thomas to ansuer' to tham In ale thingis that thai haue to say to him

Curia balliuorum de Abirdene tenta in pretorio eiusdem xvj die Junij anno quo supra

mar' low the saide day the balyeis assignit this day viij dais to Johne low to ansuer' to the borghe strekit one him be Dauid mar' for the wranguis' haldinge fra him of ane assedacion' concerning' certane Croftis pertening to him perempturlie with consent of batht the said partiis