Curia balliuorum tenta in pretorio eiusdem quinto die maij anno quo supra

thomsone The saide day Jonhne thomsone grantit him avand to the procuratouris of the executouris of vmquhile Arnalde vanstakinburghe' four' li' gretis viij s' g' Sex gr' flandris money

Stevin The saide Jonhne Stevin grantit him avand to the executouris of Arnald' vanstakinburghe xxvj s' g' flandris money Ande allegit that he hed pait and deliuerit to the saide Arnalde vijxx futuale iiij ottir skinnis iij dakir' of gate skinnis and ij fovmarte skinnis in pament of the saide xxvj s' g' askit ane day to be assignit to him to preyf the saide gudis pait Ande the aldirman and balyeis assignit the law day next eftir the Natiuite of crist Immediate hereftir to the saide Jonhe to preyf the saide gudis pait befor thame and falyeinge of his preif to pay the saide xxvj s' g'

thomsone The saide day the xvj s' g' clamit be the procuratouris of the saide executouris avand' be the saide Jonhne thomsone quhilk he allegis pait be ane Cedull producit be him in Jugement is continewit be the aldirman and balyeis to Settirday that next cumis that It may be vndirstandin gif the said bile be sufficiente preif or' nocht for the said xvj s' g'

Kennarty The saide day It was deliuerit be the saide assis' Immediatlie precedent be the moutht of the saide Jonhne of Culane that michilet ghenes franchman sale pay x frankis to James of Kennarty eldar