bautkin The saide day the aldirman balyeis consale and communite present for the tyme grantit ane commission' vndir thar' Secret sele to Alexander gray Richerd Waus Williame portar John retre and mathow branche to borrow and outquyt thar' bautkin and' to avnter it in erast likly and best Schip cumand' to Abirdene
prenteis the saidez day it was ordanit be ane suorne assis' that for the eschevin of evile and for the pece and quiet of the tone' that nay prenteis within this burghe sale wer' nay kniff bot to the scheringe of thar' mettis for ane yer' vndir the payne of eschetis of the knyffis and pament of ane vnlaw
Curia legalis balliuorum tenta in pretorio eiusdem xvijo die marcij anno quo supra
dominus matheus nicholson The saide day sere mathow nicholsone chaplane of Sanct peteris altar' of Abirdene causit philp Dunbrek officiar' pas' to the tolbutht dur' and be oppin waring' and chargit to warne and requir' ale and sundrie personis quhome It efferis to Cum and pay him the annuell Rentis bigane aucht to him of ane lande wast liand' in the burghe' of Abirdene in the gallougate one the est parte of the samyn gate betuix the landis of vmquhile Walter pyot one the southt parte pertening to his saide chaplanry of ale termes bigan and thai suld' haue regres' to the said' land' In the quhilkis he was lauchfullie possessit be the balyeis of the said' burghe' be lauchfull process' leid' befor thame as the samyn mair' fullely proportis Nochtwithstandinge the said' premunicion and Warning lauchfullie precedent thar comperit nay persone to the redeming of the said' annuellis and pament of the samyn of the quhilkis the said' mathow tak Instrument of me sere Jonhne Stirueling clerk and notar public' vndir the Secret Sell of Abirdene befor thir witnes Alexander rede aldirman thomas prat Alexander mar' Jhon' menyeis Jhon' moir' and sere William Crukschank
The heid' courte Curia Capitalis balliuorum burgi de Abirdene tenta in pretorio eiusdem Septimo die mensis Aprilis Anno Domini Millesimo quadringentesimo nonagesimo terc quarto