bautkin the saide day the belman at commavnd' of the aldirman and balyeis passit throw the haile tone' and warnit and chargit ale and sundrie merchandis and vthiris of this burghe to cum to the tolbutht to se and gif thar' consale quhar' thai wald' avnter thar' bautkin and In quhat Schip thai wald' caus' it to cum hame

blak buchan The saide day the borghe' strekit one Williame buchane be Jonhne blak that the forland' of the saide Williamis in the Castalgate aucht to fre the Inland' that Ellene Colly his l modir has in coniunctfeftment is of availe and the saide Williame was in Amerciament of the court be the moutht of Alexander chamer of murchile forspekar of the assis'

assignez but ony langar delay fraude or gile et cetera

Culane buchan The saide day Androw Culane yongar one that vthir ane parte and William buchan one that wthir parte ar' oblist be the fathtis of thar' bodiis to stand at the finale decret and ordinance of thomas Waus William blinsele Jonhne thomsone thomas narne and Alexander prate anent the ayrschip pertening to Alexander Symsone sone and ayr' to Dauid' Symson' quhilkis personis ar' oblist and suorne the gret aithez to deliuer and furthtwith this day or' the sone gang to gif thar' finale decret tharintill

gichtan The saide day Dauid githtan lauchfullie callit and nocht comperit to ansuer' to the borghe strekit one him be Androw muresone for the wranguis' haldin fra him of iijxx crovnis in lynt and wax tharfor the balyeis chargit philp Dunbrek officiar' to pas' and tak ane streis fra the saide Dauid' and latt it agan to the borghe' gif it be askit and warne him to the law day eftir pasche as to the secund' day of process'