Waus The saide day the ballieis assignit the last day of this Instant monetht to thomas Waus to ansuer to the borghe' strekit one him be gilbert Waus of many for the wranguis' haldin fra him of demi merk of maile

Colp the samyn day Alexander rede aldirman offerit him redy to pas' with Williame colp and cristiane turinge his spous' to the wattir of Done and entir and putt thame In ane half nethis fischingis of the saide wattir and to fulfile al pontis contenit In our Soueran lordis lettres and decret gevin tharapon and Requirit the said' Williame to pas' with w him that he mycht do that accordit him of resone and askit Instrument tharapon witnes Dauid menyeis Alexander chamer yongar Johne Kintor Robert huchonsone

Curia balliuorum burgi de Abirdene tenta in pretorio eiusdem xxvijo die Augusti Anno quo supra

Iruyn The saide day comperit ane Richt nobile and honorabile mane Alexander Iruyne of Drum In presence of the court for carnale affection and resonabile caus' concerning him gaff grantit and assignit be ane gluff to Dauid Iruyne his Sone gottin betuix him and vmquhile Nannys menyeis quhom god assolye ale and hale his gudis beand' within the landis of Coule that is to say xxtj oxin and fiwe chaldir of malt fermez yerlie to giddir with assignacion of the tak for ale the dais of the said' Dauidis lyve and thre hundretht wederis being within the foreste in buchane to Sustene him at the Scolis as in the Instrumentis takin tharapon mair' fullely is contenit befor thir witnes Alexander burnat of leis Alexander burnat his sone and apperinge ayr thomas prat Androw murray eldar thomas mar William blinsele Jonhne skene Richerd ruthirfurde mathow branche thomas menyeis laurence of Cravmonde gilbert ros' Jonhne robertsone In taruas philp Dunbrek and sere Jonhne Stirueling notar public'

lyntone The samyn day it was deliuerit be ane Suorne assis' Androu Culane eldar forspekar that Williame lyntone sale pay the iiijor markis to Robert Arduthoquhe for the malt that his woman resauit and disponit within his hous'