the saide day it was deliuerit be ane suorne assis' Dauid mar' forspekar that gif Jonhne portar and his wyf cumis befor the aldirman and ballieis betuix this and this day viij dais and makis gud fatht that richerd bernys the saide Jhone gat nocht the bill agan that he hed deliuerit to richerde bernis anent x s' g' he is quyt of the said x s' g' follouit be the said richerd and falyeing' thai depone nocht the said Jonhne sal pay the said x s' g'

Ja colisone Waus The said day thomas Waus grantit him avand to James Colison' xxviij s' and ij d' of maile iij s' one ane evill lew and ane lang sadill the quhilk xx d' and iij s' and langsadile the balyeis chargit him to pay in continent and to pay the xxviij s' and ij d' within terme of law

protestacio The samyn day Richerd bernis protestit solemptlie that quhat the saide assis' has done and deliuerit anent the said x s' g' clamyt be him apon Jhone portar turne him to nay preiudice nay he may haue remede of law

portar the samyn day comperit Jonhne portar and his wyf befor the aldirman and ballieis and deponit the aithe that the saide Jonhne gat neuir the bile agan anent the x s' g' that he deliuerit to richerd bernis eftir the tenor' of the deliuerance of ane assis' given and deliuerit tharupone obefore

Statutum The said day it was Statutit and ordanit be the consale present for the tyme that gif euire William lammyntone or any vthiris wakis In the nicht and committis ony iniuris stribulance or Inquietis any person or personis or the tone' sal pay fiwe merkis to sanct nicholes' werk and vthir fiwe merkis to the reforming' of the tolbutht Ande gif thair haue nay gudis thai sale be putt in the goyff and thar remane iij or iiijor dais the first tyme and say the secunde tyme and the thrid tyme thai salbe banyst the tone'