Steuarte the said' day comperit Jonhne Steuarte befor the aldirman and balyeis and said' that thar was a state gevin to Wat auchneywe and James colisone of a land' pertening to his sone and the saide state is nocht of vale as he said' for his sone is of lyve and forthir he tuk j Instrument of sere Jhone Stiruelinge notar public' witnes Alexander menyes William blinsele Dauid' prat thomas Jameson philp Dunbrek with vthir diuers'

the said' day Williame quelp present ane letter of our Souerane lordez vndir the priue Sele to the balyeis exhortinge and requiringe the aldirman balyeis consal and communite of Abirdene to sett ane demi nethis fischingis of Done to him and cristiane turinge his spous' quhilkis lettres with reuerence as efferis resavit rede and vndirstandin the saide Williame askit at the ballieis ansuer' herapone the balyes avisitlie schew that the aldirman and mast part of consal and communite was nocht present for that tyme and at the hame cumyn' of the aldirman thai suld' caus' the consal and communite forgethir and gif ane ansuer' to our Souerane lordis lettres as efferis becaus' the said' letter was direct to the aldirman balyeis consale and communite thai coud' nocht gif ansuer tharto but thar avis'

dominus Johannes Strachin the saide day the mast part of the consale grantit ij burges to be chosin and maid' to sere Jonhne Strachin chaplane for his gude seruice to be done and continevit within the paris' kirk of abirdene for this yer to Cum quhilkis ij burges that ples' him to cheis

the said' day Dauid' Duffous' grantit him avand' xxij s' and vj d' to Androw Waus of his hyer the quhilkis the ballieis chargit him to pay within terme of law

mercat spillaris The saide day thir personis vndir writin that is to say margaret balcromy canny ruthirfurd' the wif of Will Wricht the wif of gilbert moresone margaret ramsay the nurys' of Alexander mar' the vyf of henry lorne the wif of Jhone chamer the wif of Jhone andirsone In the grene mady baxtar the wif of lemmane the wif of henry crage the wif of morice talyoure the wif of Alexander talyour the wif of Androw hall the wif of Will scrimgeour the wif thomas glenmaluyn the nuryce of g William goldsmitht the wif of Will leches Cristiane mortymer maly fethirneire the wif of Dauid' Dow the wif of Jok lipe the wife of Wat mernys Jonet club maly skynnar the wif of Eduard' top megy berklat the wif of george Dys' and Emy Kennarty ar conuikit be ane suorne assis' for the spillinge of the mercat and brekinge of commone ordinance to the dampnage and skath of the towne and Ilkan In Amerciament of the courte be the moutht of androw branche and it was ordanit be the said' assis' that the said' personis be expellit the mercat fra meile byinge quhile michaelmes day vndir the payne of law