Thomas prat suorne the gret aithe deponit that laurence flemyne sauld' him demi last of Ry of his gude brothir behalf and he herd say patrik familtone hed j last of Ry in the schipe ande he herd the merchandis say he wantit partit of his Ry and the skippar sauld part of Ry to alexander angousone and he wat nocht gyf he hed ony of his awne

Jonhne blak suorne deponit that the testimoniale gewin vndir the Selis of Androw branche and Androw Culane is trew and leile and he was present quhen the witnes contenit in the samyne was suorne and deponit eftir the tenour of the samyn'

Robert blinsele Jonhne colisone and James colisone suorne the gret aithe deponit thai hed nay thing in fresche mynd anent the said matir

T fyf The samyn day the aldirman ballieis consale and communite of this burghe gathtreit for the tyme at the warning of the bell throw the haile towne ordanit thomas prat and Jonhne Wormet to Sele ane assedacion maid to thomas fyf with the common' Sell of ane half nethis fischingis of the Raik ane yer' and tuelf markis in assignacion ane vthir yer' for the termes of xix yeris eftir the tenor' of the said assedacion' and eftir the tenour and date of the general assedacion' to be begunnyne at the vigile of Sanct Androw next hereftir

a murray The samyn day the aldirman balyeis consal and communite has sett and to formaile lattyne to Androu murray eldar thar comburges the half of al the landis of schethoysley with thar pertinence with consent and assent of mastir Androw cadiow for ale the termes of xix yeris entirand' with the samyn at the date of the generale assedacion maide for xix yeris of thar landis and fyschingis and ordanit ane letter of tak to be maide to the saide Androw tharapon' vndir the common' Sele for ane Certane Some vsual money Scotlande for formale of the saide landis of Schethoysley for the termes of Nyntene yeris pait ande deliuerit to ane propyne to be gewin tile our' Souerane lordis at his first cumminge to the towne and in the northt partis