fochile The quhilk day it was fundin and deliuerit be ane assise Thomas mar talisman that Jonhne' of fochile is quyt of the vij li' g' clamit and follouit be Alexander prat And' the saide alexander in amerciament of the court for the wranguis' borghe' strekyne apone the saide Jonhne and he quyt of his clame
the samyne day the aldirman and ballieis assignit this day xv dais as day of peremptour to Jonhne colisone thome of mar and Androu culan to ansuer to the borghe strekit vpone thame be george eduardsone forspekar for gilbert menyeis for the wranguis' withhaldin fra him of xiij li' and iiij s' for certan Salt Ilkan for thar awne parte
Kintor the samyne day Jonhne of Kintor oblist him be the fatht of his body to pay xij s' to Alexander angusone or this next sonday And' atour the saide Jonhne grantit him avand' xxxij d' ane doubile blak bonat to the saide Alexander quhilk the balyeis chargit him to pay within terme of law
acquitancia W prat the samyn day In presens of the aldirman balyeis ande the haile courte comperit Williame prat brothir germane to Dauid prat And' grantit him wele content ande fullely pait of ale barnisparte of gudis and of ale vthir thingis pertening to him be deces' of vmquhile Robert prat his fadir or may pertene And' quiet'clamit and dischargit the saide Dauid and al vthiris quhome it efferis now ande foreuire vpone the quhilkis the saide Dauid tuk Instrument in the handis of sere Jonhne Stirueline Notar befor sere Jonhne ruthirfurd aldirman Alexander menyeis James leslie alexander rede thomas prat and Alexander angusone
protestacio the samyn day Jonhne colisone Solemptlie protestit quhat euire happin be done anent the borghe' strekit vpone him Thome of mar' Dauid menyeis and Androw culan be george eduardsone forspekar for gilbert menyeis for the wranguis' withthaldin fra the saide gilbert of xiij li' iiij s' for certan Salt Ilkan man for his avne part Suld' turne him nor his saide fallouis to nay preiudice na he mycht haue and his fallouis Remede of law ande becaus' the saide Dauid grantit his part of the saide Siluer it suld' turne thame to nay preiudice