andreas andirson et mercatores The samyn dai Robert blindsel Johne Wormot Richart of culan William of Kintor Dauid marr' alexander nachtie Johne stewart thom symson / mawnis Wormot Sym of craufurde Dauid prat alexander angusson and Johne chepman chosin and sworn in ane assise in the actione movit betuix Dauid menyes procuratour for Androw androson on the ta part / and Androw murray eldar and Johne of glenmaluin for thame and thare complicis on the tuthir part / has decretit and deliuerit in maner' and fourme as eftir folowis / that is tosay / that the said Androw murray and Johne of glenmaluin with thare complicis sal cause and make al and hail the gudis pertening til Androw andirson quhilkis war tayn oute be holandaris of James cantis kervel cummand til Abirdene in a harnes barrel / be brocht hame til Abirdene on thare expens' and costis pund / pund like betuix this and mydsummyr dai next eftir folowand the date of this write / and the said Androw andirson sal bere his part of the vprichting of the said gudis pund / pund like as the lave of the merchandis dois / And that the said merchandis sal mak the said gudis be brocht hame be the said day on thare aventur' and expens' as said is to the avail and profite of the said Androw andirson and his procuratour And this beand done the said androw murray Johne of glenmaluin and thare complicis salbe quyte of al vthir expens' and costis and clames of lettres of summonis of the kingis or ony vthir proces made of thaim before / for the caus' forsaid et cetera
parties quhil friday next tocum in siclike strinth force and effect as now And gif ony person or persons of the assise beis absent the said dai that siclike person' salbe chosin with consent of the parties
Johannes Willelmi The ix dai of februar' the yer of god et cetera lxxxiiij In the court haldin be the ballies of the burgh of abirdene in the tolbuthe of the samyn personaly comperit Johne Williamson son and ayr til vmquhile Richart Williamson citenar' of brechin / and thare in presence of the balyeis and vthiris of the counsale schew and exponit / that he was cumin to thare presence of free wil and was at fredum / and withoute seducing of ony personis bot of his awne fre wil chesit Johne dempstar of vchterles with consent of ser James Williamson tutour to the saide child as he sais / and the said ser James him self his curatis coniunctly to govern him his landis and gudis quhil he cum til lauchful age And the said Johne Williamson procurit the seil of Dauid menyes ane of the said balyeis tobe affixt til ane letter of curatry tobe made her'uppon And the said Johne dempstar askit the said ballies seil tobe affixt to the copy of this act / before thir witnes alexander menyes James lesly alexander chamer yungar Johne of culan gilbert the vaus and vthiris sindry
James Kennarty convict be ane assise was adiugit in amerciament for breking of common ordinance at the offerand on candilmes day et cetera
In the court haldin be the ballies of abirdene in the tolbuthe the xj dai of februar' the yer' of god aboue writin / Alexander menyes Johne of culan David symson Robert prat gilbert vaus alexander trail / William gillis' / peter andreis / the skippar of the busch / copryng ster'man of the busch / michael ster'man of the kervel gilbert morison and thom iameson chosin and sworn in ane assise / decretit and deliuerit / that the merchandis gudis of the busch sal lott with Waltir ane of the merchandis of the samyn schip of his gudis castin And that the skippar of the said busch sal lot / with the merchandis of the quhilkis thare gudis ar castin / outhir his schip or fraght