The sammyn dai the Aldirman and consale of this burgh has decretit and ordanit that William moore sal content and pay til Androw branch xxix s' g' for a barel of salmond that the said Wilyam tuke in flandris of the said androis and for the fracht custum and vncostis of vthir thre barellis of salmond / and gif it likis nocht til the said Androw branche til tak the saidis xxix s' g' thai haf ordanit that Wilyam more sal pay thre pundis scottis for the pund g' and the remanand as it cumis tharto / and tobe pait within / xv dais / the saidis parties beand oblist til vndirly and abide at the determinacion of the aldirman and consale forsaid before the pronunciacion of this deliuerence before expremyt
Item the sammyn' dai the Aldirman and consale fand and deliuerit that Dauid mathoson' aw tocontent and pay til Johne stevynson' four' mettis of salt eftir the tenour of ane act made of before and producit be the said Johne tharupon'
The quhilk dai It wes determynit and deliuerit be ane sworn assise and pronuncit be Dauid menyes eldar taillisman of the assise / that Thomas of mar aw til deliuer to William of tulidef al his gudis / and the said Wilyam topay til him his hail fraught
Item the said day Androw branche producit be Johne the Waus yungar' tobere leil witnessing anent j barrel of salmond debatabil betuix him and androw goldsmyth the quhilk barrel of salmond the said androw optenit apon' James of Douglas / the gret aith sworn he has declarit that the said barrel of salmond that wes optenit apon James of Douglas com to grimbisby / and the said James wes nocht in that schip in that viage William of cadiou second witnes deponis be his aith that the barrel of salmond that wes optenit apon James / of Douglas com to lundon' and alsfer as he knawis it pertenit to my lord of abirdene and his factouris James of Douglas the thrid witnes sworn' declaris that the barrel of salmond optenit apon him be androw goldsmyth pertenit to my lord of abirdene and his factouris and til nane vthiris / And thir deposcionis war takin before thomas fife the balye et cetera
Curia tenta per ballivos burgi de Abirdene in pretorio per ballivos eiusdem xx die nouembris anno Dominj supradicto