Showing 17406 to 17410 of 30393 results

In the court of the burgh of abirdene haldin in the tolbuthe before the aldirman and balliez' of the sammyn the viij dai of August the yer' abouewritin Wille mathoson' second son' of vmquhile John' mathoson' burges of this burgh of his awne fre wil and motive has chosin Wilyam lord forbes Alexander rede his gude fadir Thom of marr' and androw culan tobe til him curatis quhil he be of lauful age of xxj yeris togovern him and his landis rentis and gudis eftir the law and consuetude of this burgh

ID: ARO-6-0664-10, Volume: 6, Page 664, Date: 1481-08-08

Item the said dai Johne the Waus gilbertis son' John' fichet litstar henry lorn' and Sande talyour ilkane of thaim accusit before the aldirman and balyeis in plain court for the strublance of androw branche balye in the tym of philp of Dunbrek seriand in thare officis doing / the quhilk action' was put til ane assise of worthi men the quhilk assise riply avisit and witnes tharupon sworn and producit fand and deliuerit / ththe said personis strublaris of the saidis officiaris balye and seriand in thar' officis doing for the quhilk ilkane of thaim was adiugit in amerciament and toamend as law wil et cetera

ID: ARO-6-0664-03, Volume: 6, Page 664, Date: 1481-07-24

The sammyn dai thom cattale in the name and behalue of James abbot Wilyam of loch alan of crag Wilyam sleich Robyne huledy William Kellow and of James Wilson' bystandand as forspekar for the fornemit persons opinly protestit that the putting and referring of the action and question' debatable betuix the saidis merchandis on the ta parte And henric smyth mastir vndir god of a schip of Danskyn' on the tothir part to the knawlage and determinacion of ane assise anent the frachting of the schip and furing of thar gudis / suld turne thar falouschip and complicis than beand absent til na preiudice twiching quhatsumeuir clame or persute that thai had or mycht haf agane the said skippar in tym cuming sen the persons fornemit did and referrit na forthir in this matir bot alsfer as pertenis thaim self and thar gudis allanerly

ID: ARO-6-0665-01, Volume: 6, Page 665, Date: 1481-08-08

the said day Alexander rede David simson alexander howison thom of marr' androw murra eldar thomas prat Robert prat Johne simson Duncan smyth gilbert leche Wilyam futhes William necolson' Wat piot androw rettre and David prat chosin and sworn in ane assise apon the debate betuix the merchandis and skippar aboue nemmyt Riply avisit and witnez tharupon sworn' and producit fand and deliuerit that the merchandis of the quhilkis the names ar before writin sal answer' the said henric smyth mastir of the schip toresaue thare gudis here within the port and havyn' of this burgh and topay him thar fraght et cetera

ID: ARO-6-0665-02, Volume: 6, Page 665, Date: 1481-08-08

The quhilk dai it wes decretit and deliuerit be ane sworn' assise and pronuncit be Dauid menyes yungar taillisman of the assise / that of alsmony lastis that wes in the schip of helingstan' that com oute of Danskyn' of quartar and half quartar Johne stevynson' sal pay a peny of euery barel til Dauid mathoson' / and for the wrangwis' withhalding tharof the said Johne wes adiugit in amerciament of this courte / and til content the said Dauid within terme of law.

ID: ARO-6-0666-02, Volume: 6, Page 666, Date: 1480-11-17