Et dictus Willelmus roberti in amerciamento pro iniusta perturbacione grauj prefati thome Watson vt assisa reperiit et tenetur emendare dampnum ad visum proborum hominum
the samyn' dai the Aldirman and ballies chargit thom of marr' Alexander trail et thom of scrogis awnaris and maistiris of the hulk callit mary til free and deliuer' betuix this and mononday til James andirson his gudis and ressaue thar' fracht
W lip The xxvj day of october the yer' of god M iiijC et lxxx / In the tolbuthe before the Aldirman and ballies of this burgh Dauid Duncan' and Duncan straloch twa of the seriandis grantit thaim tilhaf tane John' of Knollis souertie and borch for xxviij s' and vj d' for William lip acht til Adam of craufurd be the said William for his hous' mail of termis bigane and tobe pait betuix this and Witsonday next tocum
The xxviij dai of october' the yer' forsaid the aldirman and ballies of the said burgh and Dauid rudeman seref in that part / at the command' of our Soueran lord be his lettres passit til Robert blindsel tocompel and distrenye him to the avale of twa li' xvij s' g' optenit apon him be peter Deusermondis procuratour / the quhilk Robert offerit him to prefe the some' pait / Nochtwithstanding he has fundin Thomas of marr' and Stevyn' giffard souertiez for him takin with the consent of Copyn' van Reif procuratour til peter Deusermond / that gif at the owrecuming of thir erast schippis / the said peter grantis him nocht pait on the said Robertis behalf of the some' forsaid and makis faith in presence of the said Robertis souertiez and procuratouris / that he is nocht content / the said peter salbe content and pait at the owrecuming of the erast schippis but ony langar dilay / he deliuerand the said Robertis obligacion or ane acquittance to the makaris of the said payment / And this his saidis souertiez ar oblist til do and fulfil vndir the pain of vij noblis' for the pund g' tobe pait til the said peter and his procuratouris gif it falyeis of the payment forsaid / And the said Robert is oblist be his land and gudis tofreith his souertiez kepand thame scaithles and to deliuer his obligacion tharupon
Item the sammyn dai in like wise becaus' Thomas scrogis offerit him to prefe the some' of twa li' xix s' iij g' payit optenit apon him be Copin van Reif procurator for peter Deusermonde as is mare fullely contenit in our soueran lordis lettres direct tharupon Nochtwithstanding the aldirman and balyeis and seref in that part forsaidis has takin thomas of marr' souertie for the said thomas scrogis with consent of the said copyn' that gif at the owre cuming of thar erast schippis the said peter grantis him nocht pait of the some' forsaid and makis faith tharto the said peter salbe content and pait at the owre cuming of thar erast schippis but ony langar delay And this the said thomas scrogis and his souertie ar' oblist til do and fulfil vndir the pain of vij noblis' for the li' g' tobe pait til the said peter and his procuratouris gif it falyeis of the payment forsaid / and thomas scrogis is oblist be his hand and gudis til obserue his said souertie scathles and togif tharupon' his obligacion et cetera