morison and spens the sam dai / It is appoyntit and accordit betuix gilbert morison on the ta part and Dauid spens on the tothir part anent the third part of a net of the pot wattyr / that is tosay that the said gilbert sal pay to the said Dauid twa merkis at yule next tocum for the fisching of the said third part of this yere bigane / and vthir twa merkis for the yeris fisching tocum betuix this and paisk / the said gilbert payand the mail to the ton' of the said yer' tocum And fra thyne furth the said Dauid havand the said wattir free as law wil for the termys of the assedacion of the toune / he payand to the said gilbert yerly indurand the sadis termis othir half hamburgh barel of salmond at mydsummir / the said gilbert payand the maill' to the ton' indurand the termis of the assedacion And falyeand of the payment of the said salmond' at mydsummir yerly or xv dais at the ferest thareftir / than the said gilbert sal hafe regres again to the said wattyr et cetera
iudicium dicto Willelmo fichet si imposterum constiterit de eius vita uel ad partes proprias redierit / quo ad regressum suum ad terram et croftum predictum in quam Jura volunt / et ad hoc dicta Joneta et maritus eius dederunt caucionem et inuenerunt Johannem Wode Dauid colisone et Willelmum blindsel iuniorem plegios et cetera
continuacio Initeris camerarie Decimo sexto die novembris anno predicto Iter camerarie continuatur ad diem mercurie xvjtum diem mensis Aprilis proximo futuro cum continuacione dierum / Non obstan' Alexander spens deputatus in officio camerarie concessit quod licitum erit preposito et ballivis huius burgi ad ministrandum Jura quecumque medio tempore de omnibus actionibus et causis occurrentibus / nec licebit alicui persone obicere in contrarium sub pena Juris
voket Item the sam day it was fundin be ane Inquisicion of the Aldirman and consel that henry voket son and ayr of quhilum William voket was infekit with leper / for the quhilk thai callit him before thaim and deliuerit him the glufis chargeand him that fra thyne furth he convers' nocht with hail folkis et cetera And incontinent that beand done Wilyam blindsel eldar as procuratour and curate til Sandy voket brothir and aperand ayr to the said henry protestit that gif it hapnit the said henry tomak alienacion of ony landis or annuel rentis quhilkis he has / the tyme of this write / that it suld turne the said Alexander to na preiudice anent his rycht in tym cuming / quhilkis landis and annualis eftir folois videlicet a land in futy Item a merk of annuel of quhilum gib belmanis land at the castelget hede Item xj s' of annuel of vmquhile John Walkaris land at the brede guttar Item x s' of quhilum John of mar sam to this land in the galogate and a barn with a croft at the tail vtew the port of the galowgate on the westsyde
voket Item the same dai henry voket sone and ayr of vmquhile William voket burges of Aberdene is straitly bundin and oblist for him his ayris and his assignais that quhat tyme it sal happin the annuel of auchtene schillingis of the land of vmquhile the ayris of Sandris grayis liand abone the brade guttar in the galougate of Aberdene tobe redemyt oute of the handis of the said henry his ayris or assignais / than incontinent the said henry his ayris executouris or assignais ressauouris of that sowme sal pay refound and content til gilbert skeyn of that ilk his ayris executouris or assignais / the sowme of ten pundis of vsual money of scotland / the quhilk sowme the said gilbert has payit and content to the forsaid henry for ane Annuale rent of ten schillingis of the said annual of xviij s' / the quhilk annuel of x s' the said henry has resignit be a peny of siluer in the handis of Alexander rede ane of the balyes of this burgh sittand in Jugement be virtu of the condicionis made betuix the saidis gilbert and henry before thir witnes' Androw scherar' aldirman alexander meignes Alexander of chavmer Johne of Knollis Dauid colisone Dauid menyes Johne Wormot thomas of chavmer thre of the balyes Robert of Kyntor gilbert the vaus Johne the vaus' William of Kyntor and ser Robert leis notar' with vthiris mony