The ferd dai of marche the yer' of god forsaid Thomas of chawmer and Dauid mathoson' menyt thaim and complenyeit to the aldirman and the consale / that thai war' discurssit and put fra thar' tackis of the fuyrdis on the wattir of Dee / of the quhilkis thai war in possession' of before / and askit remede tharof at the aldirman and consale / the quhilkis aldirman and the maist part of the consale than beand present grauntit and consentit / that thai suld be Restorit to thare tackis that thai had of before or til alsgude takkis at the next assedacion' eftir the date of this present assedacion
Curia Burgj de aberdene tenta per ballivos eiusdem xiijo die marcij anno et cetera lxxiiijto
quo die subscripti electi fuerunt in assisam videlicet Alexander de camera prepositus alexander menyes andreas alanj Ricardus Kintor andreas scherar Johannes de Knollis Dauid colison Dauid symson alexander rede thomas chavmer gilbertus Vaus Jacobus cummyn lindesay harraldus Dauid mathoson Willelmus cantly gilbertus morison et Dauid hil burgenses dicti burgi quhilkis the gret aith sworne to decide the debatis betuix Johne gregory folowar' on theta part and henry mortimar' on / the tothir part has decretit deliuerit and ordanit as eftir folowis first that the said henry mortimar' sal parte and distribute evinly betuix him and Johne gregory the pak of wauld brocht hame be him And anent the gudis and merchandice quhilkis the said John ordanit toby in bery merket / thai haue chargit the said henry to tak a lele marchand man of the sam rais' vnsuspect in his hand quhilk sal swere with him that he sawld nane of John gregorijs serplar' of skynis or he past to bery merket and that he borowit na siluer toby gudis or merchandice to the said Johne in bery merket for to pay of the sam Johnis gudis quhen he com hame again na that he ordanit na gude til him that he bocht in Bery merket now borowit na siluer / apon the siluer of the skynis tilhaf warit to his behuf in bery merket / the quhilkis poyntis and articlis' beand previt as said is to morne at the farrest the said henry salbe quite of Johne gregorijs clame And failyeand tharof tobe dettour for sic gudis as he chargit him toby in bery meket eftir the tenour of his bil
an branche The same day the aldirman and the consel Ressauit Androw branche son and ayr til quhilum thomas branche as assignay til his said fadir quhom god assoilye to the quhilk androw alanson ane of the consel than beand present consentit to bruke and iois' the watir that the said Vmquhile thomas his fadir had in tak and assedacione of this towne for all the termis made to quhilum his said fadir nochtwithstanding ony assignacione made to the said androw alanson tharapon of before be quhilum the forsaid thomas the quhilk he renunsit and gaf owyr in fauour of the said androw branche et cetera
The xiiij day of marche the yer' et cetera lxxiiij before Johne the Vaus ane of the baillies in the tolbuthe comperit henry mortimar' bringand with him Johne of hil burges of this burgh . to swere with him eftir as it was ordanit be the assise anent the decret and deliuerence made be thaim of the debatis and clamis of merchandice betuix him and Johne gregory as the act made tharupon proportis offerand him and the said Johne of hil to thare athis in presence of the said Johne gregory And than patrik badenach forspekar to the said Johne allegit and said that the said Johne of hil was suspect and aucht nocht to depone in the said caus' saiand that he was folowit in sic like maner' of before Apon the quhilk he strekit a borch in Johne the Vausis hand ane of the seriandis that he suld nocht be admittit nor pas to the said deposicione sen he was suspect as said is the quhilk borch henry mortimar Recounterit And for waiknes of the court the bailye Resplatit the warde and doune of the said borch and Recounter quhil friday next tocum