Item the said day the assise deliuerit that William of setoune had strublit and dissobeyit gilbert of chavmer ane of the baillies in the execucione of his office and rychtsa that he had strublit the fenssit court for the the quhilk strublance of the court he was adiugit in amerciament et cetera
Eodem die thomas yung commorans in burgo de perth in amerciamento pro iniusta extensone plegij super Dauid galichly de iniusta detencione xiiij s' ab eodem Et dictus Dauid quitus et liber de dicta calumpnia et clameo
assedacio ville de garrowne Memorandum that the forsaid xiij day of Januar' the yer' iiijC lxxiiij yer and of the counsel beand present that is tosay Alexander menyes Androw alanson Johne of m Richard of Kyntor androw scherar Johne Wode Johne of Knollis Robert of culan alexander blinschel William Voket thomas of chamour gilbert the Vaus Johne Wormot Edmound lowson Dauid mathoson Johne of glenmalin gilbert morison Dauid blabir Dauid symson gilbert of chavmer patrik badenach and Dauy hil / the quhilkis avisitly the gude and the proffite of the hail toune diligently considerit and vndirstandin in that part has gravntit and set and to ferme lattyn til Alexander of chavmer son' and apperand ayr til Alexander of chavmer of murthil aldirman of aberdene in that tyme and til his helpis and assignais ane or maa the toune of the Garrowne with the pertinens liand within the fredome of the said burgh for all and hail the termis of sevyn yeris next and immediate eftir folowand the tyme of his entre or of his helpis or assignais the quhilk entre salbe god willand at the feist of Witsunday next eftir folowand the date of this present Act / The said Alexander his helpis or assignais payand yerly for the mail of the said tak with the pertinens sex merkis at twa vsuale termys of the yer' videlicet Witsunday and martymes be evinly porciones / And the forsaid Alexander his helpis or assignais sal pay at thare entre In and / with the said tak with the pertinencis sevyn merkis of gressome' for the forsaidis termys of vij yeris And gif it happinnis that ony persons makis clame to the forsaid tak or pretendis til haue rycht til it the forsaid Alexander his helpis or assignais salbe procuratour for the toune and sal sustene the pley apon his or thar awne expensis and costis and kepe the toune scaithles Mareatour the forsaid Alexander and his fadir ar oblist before his entre to ryde the landmerys betuix the landis of gardyn and murthil And gif it happinnis that ony vthir person optenis the said tak be way of rycht or resone the tone sal restore the said sevyn merkis of gressome til the said alexander chamour his helpis or assignais but fraude or gile et cetera
ex ordinacione consilij The same day the consel beand present for the tyme has ordanit and consentit that the aldirman gif to ser William scot xx s' of the common gudis And the said ser William sal mak seruice in the qweyr quhil Witsunday next tocum
protestacio The xiiii day of Januar' the yer' et cetera lxxiiij Comperit before the aldirman and the consel Dauid colson schawand to thame how that he was sickirly infourmit that the aldirman and certane persons of the consel had gravntit til Alexander menyes the landis of Bogfarlach with the pertinens for the redeming and quittin out of thame fra Edmound banerman and paying of the some' that thai l for and eftir as the chartir made tharupon proportis Nochtwithstanding that the forsaid landis of bogfarlach war gravntit til him of before be certane persons of the consel with the aldirman androw alanson that tyme gif it war likand til him til quite oute the said landis eftir as the act made tharapon contenis and beris witnes Quharfor the said Dauid colison opinly protestit considering the said gravnt made til him of before / that quhatsumevir promit or gravnt that thai haue made or done in contrar' tharof suld nocht turne him til na preiudice nor dampniage anent his rycht in tyme tocum