Curia balliuorum burgi de aberdene tenta in pretorio eiusdem tercio die Nouembris anno et cetera lxxiijo quo die subscripti electi sunt et iurati ad Inquisicionem
Curia balliuorum burgi de Aberdene tenta in pretorio eiusdem ijo die Nouembris anno Domini et cetera lxxiijo
quo die Johannes horne posuit se in voluntate ballivorum pro iniusta negacione carnis venalis patricio badenagh veluti erat appreciat' per appreciatores iuratos Et similiter magnus Donaldus posuit se in voluntate ballivorum pro empcione eiusdem carnis in foro extra precium super eandem positum
Eodem die Willelmus club fatebatur se debere Alexandro trail vnam barellam salmonum cum dimidio barelle mensure hamburgensis quam barellam cum dimidio obligatur satisfacere dicto alexandro ad festum sancti Johannis baptiste proximum sequens uel infra viij dies dictum festum immediate sequentem sine vlteriori dilacione qua solucione ut premittitur facienda traxit terram suam et bona sua fore capienda et namanda vsque ad integram solucionem vnius barelle cum dimidio salmonum prescript' et cetera
Eodem die Matheus culan obligatur comparere die crastina coram preposito et ballivis cum quodam annulo clamato per Agnetem galt ad faciendum penes eundem anulum quod Jura volunt