Eodem die Andreas prat convictus per assisam de perturbacione iniusta vnius mulieris appellate Marioria adiudicatur in amerciamento curie et emendabit parti lese ad visum proborum virorum et cetera
Alexander frasar in fotinus istorum quilibet in amerciamento pro infrictione communis ordinacionis in detencione Thomas og animalium suorum a communi hirde videlicet dictus alexander pro vna vacca et predictus thomas pro iijbus vaccis et hoc per confessiones proprias
Willelmus cummyn burgensis Eodem die Wilelmus cummyn scissor Receptus est in liberum burgensem tantum racione paterne libertatis ex gracia prepositi et quorundam consilij
Ra voket quo die in presencia prepositi ballivorum et tocius curie Ricardus de Kintor burgensis huius burgi deuenit plegius legalis pro Mariota sadlar ad intrandum siue Intrare faciendum eandem coram preposito et ballivis in pretorio huius burgi quandocumque ad id fuerit legitime preminitus ad instanciam partis prosequentis iijbus diebus presentibus responsurus et Juri periturus pro percussione iniusta et lesione Ranaldi voket et periclitacione vnius oculorum eiusdem Et medio tempore pars prosequens pro dicto Ranaldo prote videlicet dominus Alexander voket protestatus est in presencia tocius curie pro Juris remedio secundum exigenciam et consideracionem offense ut premittitur perpetrate sibi desuper discerni loco et tempore debitis ad instanciam partis prosequentis
sponsa Da. Kintor quo die Ricardus de Kintor burgensis huius burgi prolocutor mariorie vxoris Dauidis Kintor filie et heredis quondam Johannis de scrogs burgensis dicti burgi pecijt cum instancia a preposito et ballivis in curia dictam Marioriam cognosci ad possessionem et saisinam cuiusdam terre sine tenementi Jacentis in le vuer kirkgate dicti burgi inter terram Johannis naghti ex parte occidentali et terram hered' quondam magistri Johannis cadiou ex parte orientali ex parte altra et viam regiam ex parte australi et lacum huius ville ex parte boreali que quidem terra siue tenementum erat quondam Johannis scrogs predicti nuper defuncti et de qua sive quo obiit vltra vestitus et sasitus et cetera vnde dicti prepositus et ballivi accenden' huiusmodi peticionem siue requisicionem fore iustam et racioni consonam matura deliberacione prehabita consenserunt et ordinarunt dictam Marioriam Induci et cognosci in possessionem realem dicti tenementi per vnum ballivorum veluti Juris ordo in burgo exigit et requirit et cetera