Ja blyndseil W galt Item that naman by talch' mar' than may suffice his hous' or mak merchandis' of it vndir the payne of eschete of it / to the commoune profite / and viij s' vnforgiffin / in tyme tocum / and it at is boght' in tyme bigane / that the Aldirman and the dene of the gilde pass' to thair' housis that has bocht' it / and gerr' it be deliuerit to the commounis be the sammyn price that is was boght'
Item that the balyheis keip the actes made befor the chawmerlayne the yher' of grace et cetera xxxiiij last bigane / anence the assise of brede and ale and flesche and othiris vndir the paynez contenyt in the sammyn actis // and at the aldirman accuse thaim thar'apon and punys' thaim as afferis
frumentum v s'
Item give the dene of the gilde beis negligent in the execucion and punysyng' of thir' forsaid statutis and he be convicte be the Aldirman and counsaile thar'apon he sal pay the sammyn vnlaw and payne that the fautouris suld haue paijt / to be raisit of him be the Aldirman vnforgiffin
Item that the dene of gilde punys' forstallaris of this burgh' alsweil free men as othiris within the burgh' or withoute / eftir the ald actes and statutis made thar' apon but favour' / and at he Inquir' and accuse sic forstalling ilke xv daijs in the gild courte / And that nothir' the Aldirman na he compone na fyne with' ony forstallaris withoute avis' and wittyng of sex persounes at the leest of counsaile and the clerk