Actio mota inter cristiane Jose magistrum cuiusdam nauis et Johannem filium andree submittitur ad amicabilem composicionem proborum hominum presentando defectum balliuis

Curia tenta per balliuos decimo septimo die mensis Decembris Anno quo supra Quo die curia affirmata

Thomas lamb posuit se in voluntate ballivorum pro inobediencia per ipsum facta officiario ville

Willelmus filii Roberti carnifex posuit se in voluntate ballivorum quia non facit ad officium suum quod tenetur facere de iure

Willelmus blyndcele senior, Willelmus de crag, et Johannes vscher', calumpniati a ballivis quod vbi thomas filius Willelmi vnus balliuorum duxit henricum stephani per se arrestandum et plegios legales Inueniendum pro perturbacione ville cum Willelmo yhung blyndcele ipsi in vituperium scandalum et pudorem regis et legis ex deliberata intencione dictum balliuum perturbauerunt dictum henricum percucientes vel volentes percutere bipennes eleuando et cultellos extrahendo. quib vnde predicti sic calumpniati pecierunt auisari . qui auisati . negabant quod ex deliberata intencione aliquid faciebant in scandalum vel pudorem regis / legis vel ballivi supradicti / et de hoc ceperunt se ad suas acquietancias in die lune proximo futuro vt exigit ordo iuris / Sed de perturbacione ville posuerunt se in voluntate ballivorum