Adiungitur textoribus ville ad suam acquietanciam in die lune proximo futuro quod non fecerunt conspiracionem inter se in preiudicium Communitatis de Abirdene

Memorandum quod eodem die de controversia mota inter Simonem lamb ex parte vna et Johannem Crab filium ex parte altera de quodam annuo reddito nouem solidorum exeunte de illa terra Jacente infra burgum de Abirdene in vico furcarum in occidentali parte eiusdem vici inter terram Johannis strang ex parte australi et terram nicholai Riginaldi ex parte boreali . quem annuum redditum dictus Johannes Crab habuit a fratre Johanne bothwill ordinis fratrum predicatorum de Abirdene . gerente se pro tunc iustum possessorem dicti annui redditus vt patet suam tradicionem inde factam dicto Johanni Crab prout scriptum est in quodam Rotulamento inde confecto in libro Communitatis burgi de Abirdene de anno et cetera nonagesimo sexto in curia per ballivos tenta tercio die mensis septembris eiusdem Anni Sexti quodam rotulamentum ita dicit et in se proportat Memorandum quod vicesimo octauo die mensis septembris Anno et cetera nonagesimo septimo comparuit in pretorio frater Johannes Bothwill ordinis fratrum predicatorum burgi de Abirdene et a tradidit Johanni Crab filio imperpetuum sine animo reuocandi aut conndi in futuro omne ius et iuris clameum quod habuit in illo annuo redditu nouem solidorum alias sibi debit' de vna terra Jacente infra burgum de Abirdene in vico furcarum in occidentali parte eiusdem vici inter terram Johannis strang ex parte australi et terram nicholay Riginaldi ex parte boreali. sic quod dictus frater Johannes Bothwill in presencia Aldirmanni et ballivorum iurauit corporaliter quod post suum fideliter dicto Johanni Crab tradidit nunquam intendit se intromittere annuo redditu Testibus curie // Inde tandem ita fuit determinatum videlicet quod Simon lamb elegit pro parte sua Johannem scherar' vnum ballivorum dicti burgi Ruthirford et Willelmum scherol suos arbitros / et dictus Johannes Crab ua elegit . Willelmum Andree Adam de benyn et Johannem andree suos arbitros . Willelmo de Camera patre tunc Aldirmanno dicti burgi ex consensu partis electo pro superiori / ad concordandum dictas partes si in aliquo discor Quo facto et predictis arbitris sedentibus adiunctis per se / nullis aliis ipsis miscentibus tandem sibi aduocari fecerunt predictos Simonem et Johannem qui arbitri vnanimiter et concordati venientes in pretorio coram Simone de benyn et Magistro Willelmo Dicson' ballivis dicti burgi necnon et ceteris preceperunt dicto Johanni Crab vt quod per eos fuerat determinatum ipse t et faceret / qui Johannes voluntarie et sponte in manibus dicti magistri Willelmi vnius balliuorum dicti burgi tradens vnam cyrotecam nomine dicti annui redditus vt ipse magister Willelmus eandem cyrotecam et nomine eiusdem annui redditus traderet dicto Simoni lamb ita dixit Ego Johannes Crab filius mera et spontanea voluntate sine animo reuocandi vt contradicendi palam trado . Simoni lamb comburgensi meo et vicino omne ius et iuris clameum quod habeo in illo annuo redditu sepissime antedicto / exeunte de terra illa superius nominata . Testibus curie

Curia tenta per ballivos xxx die mensis octobris Anno quo supra Quo die curia affirmata et cetera

Adiungitur girkyn webstar ad suam acquietanciam in octabis presentis curie quod non perturbauit villam cum Willelmo de Marr'

Eciam adiungitur Matheo evirart ad suam acquietanciam quod non perturbauit villam cum dicto Willelmo de Marr'