Eodem die actio mota inter Robertum qwelp et thomam de marr' submittitur ad amicabilem composicionem proborum hominum ad hoc electorum cum consensu parcium et vbi defectus reperitur presentabitur pro balliuis et dictus Robertus Inuenit thomam spring plegium pro presentacione defectus si in ipso reperiatur et eciam quod dicta actio amplius non veniet coram balliuis in defectu suo et thomas de marr' deuenit plegius pro seipso eodem modo de dictis duobus punctis

Petrus de paxton' primo vocatus ad sectam thome spring non comparuit precipitur mauricio filio Roberti seriando capere districtionem octo solidorum et cetera

Eodem die Johannes stoyl tanquam secundo die vocatus ad sectam thome spryng non comparuit precipitur seriandis capere districtionem octo solidorum et dare ad plegium et cetera

Johannes bell sutor in amerciamento quia iniuste Inuenit plegium super vxorem Willelmi turnbull' asserens quod ipsa iniuste vnam securim tenuit ab eodem

vxor turnbull calumpniata de inobediencia sua et rebellione facta seriandis excercentibus suum officium / conuicta de criminibus antedictis posuit se in voluntate balliuorum