Item eodem die Johannes henrison' Junior adiudicatur in amerciamento pro iniusta detencione duorum salmonum a Johanne Jakson' et tenet satisfacere eidem de dictis duobus salmonibus infra terminum Juris

Item eodem die Andreas leche filius et heres quondam magistri Johannis leche dicti edmundson' coram preposito et ballivis ac tota curia personaliter constitutus dedit concessit et assignauit Jonete leche matri sue heredibus et assignatis suis . totum ius suum et iuris clameum quod habet vel habere poterit in terris que fuerunt dicti quondam magistri Johannis patris sui Jacentibus ex parte boreali vici castri inter terram Ricardi Jakson' ex parte orientali . et terram patricij de badynach' ex parte occidentali Ita tamen quod dicta Joneta assignet altari beate Katerine et capellano eiusdem . qui pro tempore fuerint tantam summam annui redditus quantam dari poterit bono modo. solutis prius annuis redditibus de predictis terris debitis ab antiquo et pro animabus quondam Willelmj de camera domini de fyndon' magistri Willelmj de camera canonici Abirdonensis necnon et dicti magistri Johannis edmundson et omnj fidelium defunctorum

Item eodem die electi fuerunt et Jurati appreciatores carnium Ricardus Jakson' Johannes galt Dauid symson' et andreas child' .

Item dicto die Johannes Jakson' adiudicatur in amerciamento pro plegio iniuste extenso super Johannem symson' piscatorem asserendo dictum Johannem symson' iniuste cepisse ancas suas contrarium decretum fuit per assisam .

~ Item eodem die Ricardus androuson' de futy super quem Ricardus Jakson' extendit plegium pro iniusta detencione vnius toge primo die sepe vocatus ad respondendum non comparuit et Ideo datur bedello in mandatis quod capiat districtum de dicto Ricardo androuson' et cetera