Curia Balliuorum de Aberdene tenta In pretorio eiusdem decimoquinto die mensis Maij Anno Dominj et cetera quingentesimo nono

The said day Duncan craik grantit him awand' to Johnne fechat yongar iiijor frankis and sex sous' quhilkis the bailyeis chargit him to pay within terme of law x s' for euiry franke

The said day It was statut and ordanit be the Prouost Bailyeis and counsale present for the tyme that ale baxtaris within this burgh' duelland' sale haue xxiiij vncez' of weile bakin brek gud sufficient fresche stuffor tua penneis de laif And of ry breid' xxxiiij vncez' weile bakin bowtit stuf for tua penneis And quha that brekis this statut and beis conuict' tharof sal pay ane vnlaw vnforgevin And als that the officiaris pas' and wey the said brek als' sone as It is bakin eftir the tenour of the actis maid obefor

The said day Alexander findelay was conuict' be ane suorne assis' ser Johnne ruthirfurd forspekar for the strublance of Robert moyses for the quhilkis he was in amerciament of the court and tile amend as law wil And the said Robert was conuict' for the strublance of the said alexander And the prenotacion' of the said strublance was fundin in the said alexander

bannemran Ker The said day the court wardit schew for law and it was gevin for dome that Williame Ker had preuit sufficientlie that Dauid bannerman had ressauit fra him tua barrellis of beir Quhilkis the bailyeis chargit him to pay within terme of lawe