The said day It is fundin and deliuerit be ane suorne' assis' thar deliuerance giffin in writ / that Richerd' litster had takin ane hous' fra marioun' lindoris for v yeris be his avin tong grant for xxxviij s' of maile in the yer And' ordanit the sad Richerd' to mend' the skaitht that he had done to the said house quhilk skath salbe considerit be four personis that knew quhat the said hous' is warkit sen' the saide richerd' eft entirit tharwith And' that being considirit be the said personys and estimet the said richerd' sall gif it that is considirit and maid be thame to the reformacioun' of the said house / And that being done scho sall find' him ane sufficient hous' for the Ischey of his termes of five yeris And he to pay his maile tharfor as he tuk It

Chamer Crag The said day It was deliuerit be ane suorne assis' Johnne' of Cullane forspekar that thomas chamer sall deliuer his fraucht of the Danskin rais' to malcome crag factour for dericht skipper of the hulk of nosterdame incontinent And' ordanit the said thomas with the laif of his followis merchandis of the rais' to persew and follou the said malcum in the naim of the said skippar for ony thing that thai had to say to him or follow him of for costis skathis expens' or vthirwais

litster and his mawis The said day Allane litstar with Duncan colisone his forspekar And Inquirit at Johnne Watsone and henry andersone his mawis gif thai had ony clame' or chalang of ony gudis / mariag geir or ony vthir gudis promittis or condicioun' for the mariag of his douchteris or vthirwais Offerand' him reddy to mak thaim pament and' to vnderlie the law befor the prouost and bailyeis that Jug ordinar And' the said Johnne and henry allegeit thar comptis was nocht reddy and askit ane day that thai micht awis' with the samyn And' thareftir till ansuer to the said allane And' the said prouost and bailyeis assignit this day xv dais to the said Johnne and henry to ansuer' to the said allane in the premiss'

Curia Balliuorum de Aberdene tenta In pretorio eiusdem quinto die mensis februarij Anno quingentesimo octauo

Curia balliuorum de Abirdene tenta In pretorio eiusdem Nono die mensis februarij Anno Dominj et cetera quingentesimo octauo