The said day comperit Johne of myln' at the myln' of Inuerramsay and' exponit befor the alderman and' bailyes how that he was warnit be the officiar to comper within the tolbutht of the said' burgh' to ansueir at the Instance of Williame Ranaldsone in the crag and' becaus' the said William comperit nocht to follow nor to persew the said Johnne he protestit solempnitly for his costis skaithtis and expensis of the said William or euire he be herd' in Jugment and' to ansuere nocht vnto the tyme he be new warnit be the officiar at the command' of the balyes

Anno domini Millesimo quingentesimo septimo Curia balliuorum burgi de Abirdene tenta in pretorio eiusdem xxvj die mensis marcij Anno domini millesimo quingentesimo Septimo

gilbert litstar The said' day Comperit gilbert litstar burges of the said' burghe' and opinlie exponit and schew how that he was to pas' his pilgramage to Sanct James with the grace of god' and that he hed' causit the belman pas' throw the haile towne diuers' tymes and warnit oppinlie ale and sindrie personis that hed' ony clames to him othir of dettis or vthirwais and that hed' deliuerit him ony clatht or ony vthir stuf to lytt or hed' laid' him ony weddis that he was redy tile ansuer' to ale mane furthtwith but ony proces' Ande to pay ale Somes aving to ale personis Ande that the clatht and vthir stuf gevin to him to lytt was redy fourty dais bigane quhilk warning was maid' thre mercat dais quharfor he Solemptlie protestit that gif ony clatht or' vthir stuf gevin to him happinis to be avay or onywis' skathtit that it turne him his ayris executoris nor assignez to nay preiudice considiring he was reddy tile deliuer ale gudis being in his handis for the pament aving to him and that he his ayris ayris executoris nor assignez be nocht persevit tharfor forthir thane law wile nor he compellit tile ansuer tharfor vthirwais thane law wile

Curia balliuorum burgi de Abirdene tenta in pretorio eiusdem xxix die marcij Anno quo supra

Dauid Kintor and Alexander Kintor The said' day It was deliuerit be ane Suorne assis' patry leslie forspekar that Alexander Kintor sale serue and fische Dauid Kintoris thridpart nethis fischingis of Done for this Instant yer' and he sale deliuer to the said' Dauid ane barrele of Salmond' and fund' him Souerte for it and the said' Dauid sal pay to him xiij s' and iiij d' for his fee bigane Ande gif ples' the said' Alexander to haue the said' xiij s' and iiij d' and leif the fischingis of the said' Walter it salbe lesum to him