Curia balliuorum burgi de Abirdene tenta in pretorio eiusdem xxiiij die mensis nouembris anno quo supra

Statuta pistorum The xxj day of nouember' forsaid' It was statut and ordanit be the aldirman balyeis that ale the baxtaris of this burghe' havande redy stuf sale haue redy bakyne breid' of quhet this nycht to serue the tone keping the pace gevin to thame Obefor And' quhay falyeis heruntile salbe secludit fra the Craft for ane yer' And' gif ony of thame bakis within ane yer' thareftir sale pay xl s' to Sanct nicholes werk vnforgevin and viij s' to the balyeis for thar' vnlaw

flessouris The said' day Syme flessour thome lammyntone and Johne flessour was conuict be ane Suorne assis' for brekin of commone ordinance in Selling of flesche or it was prisit for the quhilkis Ilkane of thame was in ane Amerciament of the Court et cetera

baxtaris The said' day thomas buchan Androw gordone Donalde baxtar Canny buchan Androw Dwne thome straloche Richerde redhed' baxtaris was conuict' be ane Suorne assis' for brekin of commone ordinance throue wanting of bred' of quhet to furnis' and serue the tone and for breking of the pace for the quhilkis Ilkan of thame was in ane Amerciament of the Court et cetera

baxtaris The said' day thome straloche and gilbert tulidef be thar avne toung graunt was conuict' for brekin of the pas' of breid' agan the commone statutis and Actis Androw gordone thomas buchan Donald' baxtar Richerd redhed' Canny buchan baxtaris was conuict be ane Suorne assis' patry red' forspekar for brekin of the pas' agan the commone statutis and Actis of the toune for the quhilkis Ilkan of thame was in ane Amerciament of the Court et cetera