Anent canny Srathin and thomas buchane The said day the aldirman and ballieis chargit and ordanit Androw gordone to caus' Anny strathachin his Spous' to bring ale chartiris and Instrumentis of Sesin quhilkis pertenis to thomas buchane ayr to vmquhile William buchane his brothir of ale landis and annuell Rentis pertening in heretage to the said thomas befor thame and the Counsale one friday that next cumis that the said' thomas mycht haue the chartiris and evidencis that pertenis to him of Resone

Statut' anent yerdis bigin The said' day the Aldirman and ballieis and Counsale Riplie auisit for commone gude and profit of the burghe' Ratifeit affermit and appreuit the Statut' and Act maid' Anent the yerdis bigin That is to say It was statut ordanit deliuerit and finaly concludit be the provest balyeis consale and diuers' of the Comunite representand' the body of the towne that euere nychtbuir' Induellar of this burghe sale byg and vpmak thar dykis bak dykis Syddikis and ale vthir partis of thar yerdis quharthrowe thar nychtbouris may be skathtles tharof in tym' to cum vndir the payn' of brekin of common ordinance Ande the partj or persone brekande this statut and commone ordinance sal pay xl s' to Sanct nicholes werk vnforgevin thai being conuict tharof Ande mak Satisfactioun' and recompens' to the party ande personis thar' nichtbouris of the skatht that happinnis thame to sustene in defalt of nychtburschipe Ande Ilkane tennent quhar' the dikis happinnis to be falty Induellar of that lande sale vpmak the dikis of the landis quhilkis thai Inhabit' And' the expens' and Costis maid' tharupon salbe allouit in thar maile et cetera

Ridale colp The saide day the bailyeis assignit friday that nixt cumis to Willieam colpe to ansuer to the borgh fundin on him be thomas Riddale anent the frethin of hime of xj s' x s' and xv s' of annuell Rent as law wile

Andreas litstar et litstaris The saide day the provest ande balyeis discernit the Copy of the borghe' fundin one Androu lytstar be allane lytstar and gilbert litstar to the saide Androw that he wrangwyslie occupeis the craft of littstary in preiudice of thame and thar craftismen' as he that refusit' the Samyn Ande assignit monunday the secunde day of the monetht of merche nixt to Cum to the said Androw tile ansuer' to the said borghe as law wile

Crage futhes The said' day the balyeis ordanit and chargit Malcum of crage to content and pay to William futhes the thingis contenit in the act of the court producit befor tham within terme of law or ellis to preiwe the samyn pait