The said' day Alexander goldsmyth grantit him to pay xxxiij s' viij d' to Richerd' frenchmen within aucht dais

The said day the bailyeis assignit friday that nixt cumis to William Wormet and William blinseill coupar to compeir befor thame for ministracioun' of Justice anent the wrang done be the said' William blinseill to the said' William Wormet in the done castin of the gauyle of his hous' et cetera eftir the tenour of Our Soueran' lordis lettres direct' tharupoun'

The said day It was deliuerit be ane suorn' assis' Alexander menyeis forspekar that Duncan smytht aw to deliuer the masser to the ayris of vmquhile Robert Kintor pertenyng to thame of ayrschipe And' thai fand that the said Duncan hed done wrang in the distructioun' of ane hous' pertenyng to the saidez ayris

The said' day Jhonne' balcromy lauchfully callit and' nocht comperit to ansuer to patry Andirsoun' for vj s' vj d' of maile tharfor the balyeis chargit gilbert prestoun' officiar to pas' and' tak ane stras' of the said' Jhone and' lat It to borgh' gif it be askit and' warne him to compeir one friday for the wranguis' haldin of the said' maile as secund day of proces'

Curia balliuorum burgj de Aberdene Tenta in pretorio eiusdem vicesimo primo die mensis Octobris Anno quo supra