Ruthirfurd' The saide personis Circually Inquerit and the aldirman and balyeis togiddir with Robert blinsell gilbert menyis Johne Wormet William blinsele and Alexander blinsell consentit grantit and promittit effectuyslie ane quartar of ane nethis fischingis of the pott or ane quartar of ane nethis fischingis of the furdis one the wattir of Dee for ale the termes of the next generale assedacioun to be maid' eftir the termes of fyve yeris fra the vigill of SanctAndrow immediate gangand befor the date of this court be Runnyn for girssome fre payand the penny maile alanerlie togiddir with his avne tak that he has now of the tone and for his gude seruice diligence and labour' done to the tovne In tyme of the pestilence

mar talyeour The said day It was sufficiently previt befor the ballies that the comptour followit be Dauid mar tailyeour procuratour to the ayris of Johnne' Westlande as ayrschip to thome arrestit in Dauid themannis handis was Dauid marris quhilkis he lent tile vmquhile Johnne' Westlande tharfor the ballies decernit the said comptour to the said Dauid mar and ordanit Dauid theman to deliuere him the sammyn And the said Dauid mar oblist him to kep the said Dauid theman skathles of the said comptour handis havand enteres' tharto becaus It was arrestit in his handis

Riddaile procuratour Annand The said day the baillies assignit friday that nixt cumis to thomas Riddaill thome gardane William scrogis Johne' cuk William harpar Robert Walcar and Johne Kennerty till ansuer to the borgh' strekit one thame be Johne Ratre procuratour for alexander Annande for the wrangwis' Intrometting with ane barrell of ter pertening to the said alexander and ordand the copy of the borgh' to be deliuerit to the partj one thar expens'

gledstane lammynton' The xxiij day of februar' thomas lammynton gledstane gravntit him avande to thomas lammynton' xix s' and viij d' scottis money to be pait to the saide thomas lammynton be xxtj days eftir pasche next hereftir In pennye and penny worthis that sale ples' him of rest'

crukschank brekath' The said day Johne crukschank lauchfully callit tile haue followit the borgh' strekit be him one Johne brekath' and nocht comperit for the wrangwis' withhaldin fra him of xv s' ix d' as Is allegit And the said Johne brekantht protestit to be quyt of the said Johnis chalang vnto the tyme he be new warnit and protestit for his costis and expens' sustenit be him tharuntill for the quhilkis the said Johne crukschank was in amerciament of the court