Curia balliuorum burgi de Abirdene tenta in pretorio eiusdem xij die Octobris Anno quo supra

The saide day it was deliuerit be ane suorne' assis' Jonhne Collisone forspeker that Jonhne stevinsone sall content ande pay to the videw of Robert of Cullane sex barellis of Rymeill eftir the tenour of the saidez Jonhnez writt and be his tonge grant quhilkis the bailyeis chargit hyme to pay within terme of law

mavnys belman The saide day the aldirman balyeis and diuers' vthiris of the consale present for the tyme grantit to mavnys belman xx s' to by him ane pee for to pas' Ilkan monunday throw the tone in the morning to name and pray for the saulis gevin him in bile as vys' and wont is and has bene tymes bigan

the aldirman anent the taxt dominus Johannes ruthirfurd The xv day of october' the yer' forsaid' the aldirman deliuerit to the balyeis xviij pundis of the xxiij li' of the taxt resauit fra Androw Cullane and Richerd Waus balyeis and fiwe lib' of the saide xxiij li' exponit tharof xx s' to ane pursevant of the kingis and the Remanent in vthir necessar thingis And' atour the aldirman chargit the balyeis in the kingis name and the tovnis to deliuer the taxt agan to the merchandmen of the tone and tharof he askit Instrument befor' thir witnes Robert blinsele alexander Rede Jonhne Colisone Jonhne Wormet and diuers' of the Counsal

aving to the aldirman The saide day the aldirman gaf in his expensis in writ quhilkis he hed' exponit and deliuerit in thar' vys' and at commavnd' of the haill tone quhilkis was rede in presence of the Consale considerit and vndirstandin Ande ale thingis being allouit the tone restis aving to the aldirman fyftene pundis xj s' and iiij d' de claro to the pament of saide Some the consal hale present for the tym oblist tham be the fathtis of thar bodiis and the aldirmanis expensis mad in edinburghe that tyme with alexander menyes nocht allouit in this some