liell Stokar' The saide day Comperit Alexander liell and askit ane almary to borghe' arrestit at the Instance of the Instance of the Relict of Alexander stokar and Jonhne barbour' procuratouris to the said' woman and allegit the said' almary hirris and bocht fra the said' Alexander and askit hir ane lauchful day to preiwe the said' almary hirris and the aldirman and balyeis assignit this day xv dais gif it be lauchfule and falyeing tharof the next lauchfule day thareftir to preiwe his allegeance

Curia balliuorum de abirdene tenta In pretorio eiusdem xxvijo die mensis nouembris quo Supra

Be It kende tile ale mene be thir present lettres ws Aldirman bailyeis counsale and communite of Abirdene to be bundin and stratlie oblist and be the tenour of thir lettres lelelie and treulie bindis and oblis' ws to our continuale familiar' seruitour Robert huchosone sangstar forsamekle' as he is becumin our conducit and feit familiar sangstar be the fath of his bodie ale the dais of his lywe to Remane with ws personalie to singe kep ande vphald mess' matutinis evinsangis completoriis psalmis Respondis Autophinis ympnis ande ale othir houris and divine seruice to be sungin within our parrochekirk of Abirdene at the letronez ande by batht festuale and feriale dais pfor the saide obseruance to be kepit and done ws binde and oblis' ws ande our Successouris yerlie to the saide Robert in the Some of tuentyfour markis vsuale money of scotlande for ale the dais of his lywe To the pament of the quhilkis weyand assignit Ande be thir present lettres assignis to the saide Robert auchtene markis of the malis of our vuirmyle four markis of the fermes of our landis of bogferlow Ande tua markis of our kirk bred to be Rasit and vptakin at his avine hande at tua vsuale in the yer that Is to say mertimes and Witsonday be evinlie porcionis for ale the dais of his liwe Ande Atour your vniuersite sale vit vs to haue grantit our sange scoule to the saide Robert for the quhilkis he sale with ale diligence possibilite ande besines teche Informe mak leir and Instruk ale barnis vndir his Cur' Ande specialie the barnis burges sonnis native borne of this burgh' to sing and play one the organis to the stuffing fortifeing ande vphalding of goddis seruice in the saide queir' thai payand him his scolage ande dewites according tharto Ande sale vtirlie wark one the vphalding of goddis seruice and Instruking of barnis Ande he sale play one the orgainis In tymes of ale divine quhen It is sene expedient be the Aldirman balyeis consale or the chaplanis of the college of the kirk one festiuale and verk dais gif the saide Robert falyeis in the obseruing of goddis seruice or in ony poyntis befor writin It salbe considerit be the Aldirman balyeis and consale and he punyst tharfor in his fee for his demeritis as thai thing mast expedient Ande gif the saide Robert happinnis to failye in the keping and obseruing of ony poynt befor expremit and beis conuikit thris' tharintile be the Aldirman bailyheis ande Consale It salbe lesium lesum to tham to dispone apone the saide fee tile ony vtheris quhar thai think mast expedient for the tyme but ony Impediment excepcion' or demavnde Age and Infirmite Alanerlie excepit Ande we the saidez Aldirman bailyheis consale and communite and oure Successairis sale warande kep ande defende the saide assignacion' of tuentj four merkis yerlie' and termlie to be Rasit be the saide Robert of the malys ande kirkbred befor expremit for ale the dais of his lywe for his dailie seruice to be done In maner and forme befor writtin ale fraude and gile awaput In witnessing of the quhilkis we haue appensit our commone Seile to thir lettres at Abirdene' the Sevint day of Octobre the yer' of god jM iiijc nyntj and Sex yeris The copy of the Assignacion' assignit to Robert huchosone in his fee

Ande we the saidez Aldirman bailyheis consale and communite and oure Successairis sale warande kep ande defende the saide assignacion' of tuentj four merkis yerlie' and termlie to be Rasit be the saide Robert of the malys ande kirkbred befor expremit for ale the dais of his lywe for his dailie seruice to be done In maner and forme befor writtin ale fraude and gile awaput In witnessing of the quhilkis we haue appensit our commone Seile to thir lettres at Abirdene' the Sevint day of Octobre the yer' of god jM iiijc nyntj and Sex yeris The copy of the Assignacion' assignit to Robert huchosone in his fee

Robert huchosone I Robert huchosone sangstar oblis' me be the fatht of my body to my singuler mastiris the aldirman balyeis consal and communite of abirdene to discharge me of the tua markis yerlie assignit to me of thar' kirk breid' quhat tyme that thai mak me sikir of tua merkis yerlie for al the dais of my lyve In Ony vthir strenyeable place but fraud' or gil In witnes' of the quhilkis I haue subscriuit this writ with myn hand' at Abirdene the last day of Nouembre the yer of god jm iiijc nyntj and sex yeris robertus huchoson manu proprea