Copia assedacionis roberti Kintor' Be it kend tile ale mene be thir present lettres ws aldirmane ballies consale and communite of the burgh' of Abirdene tile haue granttit sett and to maile lattin ande be the tenour of thar lettrez Settis and to maile lattis tile our belouit nychtbur Robert of Kintor sone ande ayr tile vmquhile Richert of Kintor burges of the saide burgh' ale ande haile ane auchtande part of the fisching' of the Crois one the wattir of Done or ale the termes of our next generale assedacion' to be maid be the commissione of toune becaus' of the renunciacion' ande owgevin of his rycht that he had or mycht haue in or to ony tak of the last generale assedacion' and of his rycht as assignay tile his modyr eftir his deces' of half ane netht of the wattir of Done Ande als'sua becaus' It was fundin that the saide Robert hed ne rycht tile ane auchtand' part of the saide fisching' of the Crois clamit be him be virteu of this instant generale assedacion' last maide Tile hald and tile haue the said' auchtand' part of the Crois tile the said' Robert his ayris and assignez' burgez' and induellaris within the burgh' of Abirdene for ale the termes of the next generale assedacion' to be maid as said' Is Entrand' in and with the said fisching in the vigile of Sancte Androw in the yer' of god jM iiijC nynty eftir the ische of this last generale assedacion' to the said' terme Indurand' with ale fredomes comoditeis profitis and rycht wys' pertinence pertenand' or may pertene to the said' fischinge The said' Robert his ayris and assignez' payand' yerly tile ws and our successouris siclik maile and gressome as nychtbur and vthiris payis for siclik tak eftir the tenour forme and effece of the next generale assedacion' to be maide indurand' the termes of the samyn Ande we the forsaidis aldirman ballies Consall and communite bindis and oblis' ws our successouris to varand' and defend' the said' fisching of the Crois to the said' Robert his ayris and assignez' in maner and forme as said' Is be ale our' gudis present and to haid agannis ale deidly In witnes of the quhilk thing to thir present lettres we haue appensit our comone Sele at Abirdene the xxvj day of februar' the yer' of god jM iiijC lxxx and thre yeris

narne The samyn day Androw fif procuratour to Jonhne blak yongar grantit him resauit fra thomas narne x s' and ix d' and dischargit the saide thomas tharof and of al clamys betuix thame

procuratorium Eodem die Johannes gray fecit coniunctim et diuisim Alexandrum gray et Willelmum blinsel suos procuratores legittimos ad petendum exigendum et recipiendum

Copia quieteclamacionis domini J ruthirfurd' Be it kend tile ale men be thar present lettres ws Aldirmane ballies Consale and communite of Abirdene tile haue resauit be the handis of our trast nychtbur' sere Johne' ruthirfurd of tarlane knycht fule contentacion' and payment of the maile of his half ane nethis fischingis of the Raik one the wattir of Dee for the termes of fywe yeris Inmediatly to be runnyn and complett eftir this instant fisching' be done for the fyfty merkis aucht tile hym be ws as in the decret of the lordis of Consale gevin tharapone proportis Off the quhilkis fywe yeris maile we halde ws weile content and payit and dischargis and quiet'clamys the saide knycht his ayris executouris ande assignez' for ws and our Successouris and ale vthiris quhome It efferis now and for euire be thir puntis To the quhilkis we haue maid our Comone Seile be appensit at the saide burgh' the fyftene day of Aprile The yer' of god ane thousande four hundrecht nynty and thre yeris

litstar The saide day Jonhne litstar grantit him avand' to Jonhne andirsone viij li' xj s' and viij d' vsual money of Scotland' of the rest of ane pip of wad' quhilkis the balyeis chargit him to pay within terme of law