Club Culan The saide day sere Alexander club grantit to pay to Androw culan Curat to Alexander Symsone sone and ayr to Dauid Symsone five schillingis at the next Witsonday and xl d' termlie at the termes of martymes and Witsonday for ane wast lande liand' in the vuirkirkgate processit be the said androw pertening to the brethir barnis of the saide sere Alexander

Wys' The samyn day patrik Wys' grantit him avand to sere Jonhe Stirueling xiij s' and iiij d' quhilkis the officiar' at commavnd' of the balyeis chargit him to pay or ellis remane within the tolbutht And' to the frethin of him he oblist him be the fatht of his bodie his hand vphaldin to the balyeis to pay the said xiij s' and iiij d' to the said sere Jonhne at Witsonday next eftir follouing or at the trinite thareftir at the farrast vnrepreuit befor thir witnes thomas fyf Dauid' prat Jhon' menyeis balyeis thomas Waus sere Androw henrisone sere mathow nicholsone and James gordone

heruy The samyn day Adam heruy was conuikit be ane assis' Wilyeam blinsel forspekar for the wranguis' haldin of vij s' fra the factouris of the bischop of murray

lammyntone fechat The said day the aldirman and balyeis assignit this day aucht dais to Jonhne lammyntone and margaret fechat to cum befor tham and the consale to bring with tham the evidentis writis and richtis that thai haue and wil vys' anent ane annuel rente of xxiij s' of the land of vmquhil Dauid hil as thai wil wyne and tyne

Statutum pro aqua de Done The saide day the consale and communite present for the tyme ordanit the aldirman to caus' the balyeis and officiaris to pas' to thame that fischis apone the wattir of Done that clam has nocht pait male nor girssome And tak out thar nethis of the said wattir In defalt of maile and girsone as it that was askit at thame obefor and coud' nocht be gottyne