Curia balliuorum legalis tenta in pretorio xj die februarij anno quo supra

club Wormet The said day comperit agnes club with sere Alexander club hir forspekar and follouit William Wormet for the wranguis' spoliacion of ane par of clokis fra the said' Agnes quhilkis the said' William be him Self and Robert blinsel and Williame blinsel his prel'prel' overwrites 'proc'.ocutoris denyit the spoliacion and wranguis' avay takin' of the said clokis And' in continent the said' action' with consent of the said' partiis was put to the decisione of thir personis vndir writin chosin in ane assis' that is to say Androu branche Androw Culan yongar thomas mar William portar Jonhne Steuinsone William andirsone eldar Syme gardin John grige Jonhne chapman Androw murray yongar gilbert gareauche Androw philpsone and Dauid' spens quhilkis riplie avisit fand' the said' William quyt of the spoliacion and wranguis' takin of the said' clokis

Kintor fyf menyeis The said day James Kintor and thomas fyff oblist tham coniunctlie and Seueralie in the stratast Stile of obligacion Renunciand ale benefice of diuisione be the fathis of thar bodiis to content and pay ane barrel of Salmond sufficient merchande of the richtuis' bynd' of Abirdene to thome menyes his ayris executouris or assignais at mydsommir next hereftir or within xv dais thareftir at the farrast

chamer The saide day the Aldirman Sett and to ferme leytt to Jonhne of chamer the Sondais fische and the mettis pertening to Sanct nicholes for this yer' siclik as he hed' it obefor the said' Jonhne is oblist be his hand' landis and gudis to content and pay to the aldirman or mastir of Sanct nicholes werk thre barrelis of Salmond' tharof tua barrelis at mydsommir next hereftir and j barrel at the lammes thareftir

buchan Culan' the saide day Androw Culane curat to Alexander Symsone sone and ayr to vmquhil Dauid Symsone one that ane part Ande Williame buchane one that wthir parte ar oblist and suorne the gret bodelie aithe to stand' at the decret and deliuerance of thir personis vndir writin that is to say William blinsel sere Jhone Stirueling Walter auchneyve Duncan smitht and Jonhne grige anent al Airschip pertening to the said Alexander and Anent the maile clamyt be the said' Androw Ande anent j chaldir of lyme and ane Schryne clamit be the said' William quhilkis personis sal deliuer and furthtgyff' thar Sentence herapon be thar aithis within fiftene dais hereftir follouing