Curia balliorum tenta in pretorio eiusdem xxjo die Januarij

menstralis The saide day it was Statut' ordanit and grantit be the aldirman balyeis ande diuers' of the consal and communite present for the tyme that Jonhne and Robert thar commone menstralis sal haue resonabile dietis Circualie throw the nichtbouris of the towne Ande gif ony persone or personis refus' to resaue thame to thar dietis it salbe lesum to thame to gif to the said menstralis xij d' one the day bath for mett drinkis and wagis for Simpile folkis

Magister Duncanus Scherar' pro A Wode The saide day comperit mastir Duncan scherar' parsone of clat factouris to Androw Wode of blayrtone and askit at the aldirman and ballieis nichtbourschipe and marowschipe to Streik with him and Jonhne Kay his seruand ane demi nethis one the wattir of Done and offerit him redy tharto scheving' that his neth' and Cobill was redy to the strekin one the saide Androwis behalf

thome Kynnor' Kynnoryn the saide day it was deliuerit be ane assis' Williame blinsel forspekar that thome Kinnoryn sal content and pay to Androw vmfray for xij hidis the dakir extendinge to xlv s'

buchan The said day the aldirman and ballieis assignit friday that next cumis to Williame buchane to ansuer' to his modir anent the frethin of the annuell of the Inland' that scho Inhabitis eftir the tenor' of the testimonialis producit be hir in Jugement and distrenit to him the copy of the said' lettir and he to bring' his richtis and ansuer' as he will tyne and wyne