liale The saide day Alexander liall saide he hede nay thinge to obiect and agan say the coniunctfeftment that magis the relict of Alexander stokar hes of ane land' liand' within the saide burghe in the vuirkirkgate

lyndesay harrald coupar The saide day it was Statute and ordanit be the aldirman and consale for the cessinge of the trubule controuersy and debate betuix lindesay herrald' and Williame coupar anent properteis of myris clamyt be thame of the commone gronde of this burghe' that the saidez personis leid avay the fevale that thai haue castyne this sesone and neuir ane of tham cast in that myris in tyme to Cum becaus' that nayne of thar' commonite suld' be turnit nor haldin propirte be ony persone In tyme to Cum Ande thai and al vthiris merk thar myris in dew tyme yerlie and cast tharintill as vys' and wont has bene tymes bigan

liale the saide day Alexander liall schew ane letter of Sesin gevin to him of ane lande liande in the vuirkirkgat that was Alexander stokaris vndir the Sele of Alexander chamer bailye for that tyme quhilkis was rede In Jugement et cetera

Statutum pro conseruacione terrarum datarum in coniuncte infeodacione mulieribus the samyn day it was Statut' and ordanit be the consale aldirman balyeis consale and communite that ale woman hawand landis within this burghe' in coniunctfeftment sale vphald the samyn deuly in ale thingis as efferis Induringe the tyme of hir coniunctfeftmente and mak thame als' gude and vphald thame deuly in ale thingis concerning' thame as the tyme that scho entiris tharwith eftir hir husbandis deces' as in ane ak maid in the chavmerlane court be the gret assis' matir fullely is contenit

Curia legalis balliuorum tenta in pretorio quarto die Junij anno quo supra