Eodem die accedens ad barram Johannes filius Walteri cum prelocutore suo thoma amfray peciit fratrem Willelmum henrici vocari ad respondendum sibi de vno breui de recto alias per ipsum presentato ballivis dicti burgi secundum quod summonitus fuit per seriandos . quo Willelmo vocato . et seriandis asserentibus se probaturos summonicionem et non comparente nec aliquem legittimum attornatum pro se mittente . hora diei legittime expectata preceptum fuit seriandis ad summoniendum dictum fratrem Willelmum dicto breui responsurum . nono die februarii tanquam tercio die huius processus .

Johannes yhule in amerciamento curie . pro extractione cultelli et perturbacione Galfridi braa viij s'

StephanusThis whole entry has been deleted. ostler' andree primo die vocatus ad sectam stephani ostler' non comparuit et cetera

Eodem die Johannes lambynton accedens ad barram cum prelocutoribus suis . Simone de Benyn et Willelmo Nory . protestacionem fecit in forma iuris . quod licet . vt sibi dabatur intelligi / quidam vocatus Johannes Walteri presentauit quoddam breue de recto ballivis burgi de Abirdene super quodam fratre vocato Willelmo filio henrici . ordinis fratrum predicatorum . de quodam tenemento Jacente in vico viridj . quod tenementum cum pertinenciis dictus Johannes clamat sibi pertinere in feodo et hereditate et in quo eciam tenemento cum pertinenciis debet se esse in legittima possessione vestitus et sasitus . et fuisse a diuersis annis retroactis . et quod impetracio dicti breuis . per dictum Johannem Walteri . super dictum fratrem . qui frater nunquam habuit legittimam possessionem in dicta terra sine tenemento cum pertinenciis vel in eadem terra sine tenemento antequam fuit vestitus et sasitus / sibi nullatenus cederet in preiudicium detrimentum aliquod vel grauamen

In crastina die Johannes filius Willelmi venit cum probacione sua . prout iniunctum fuit sibi . videlicet . Dauid Thome Thomas Willelmi Thomas ysac' . Willelmus lownan girkyn webstar . Wilky . et Adam Roberti . ad probandum intencionem suam in precedente curia . alias sibi dat' Quibus paratis et offerentibus se ad dictam probacionem Andreas filius Ade extendebat plegium quod illa probacio non fuit sufficiens nec legittima . Monstrans racionem . quia allegauit probare cum taynt probacione qualis non fuit illa probacio per eundem Johannem producta . Dictus Johannes Willelmi dictum plegium recontrariauit . per raciones suas ostendendum tempore oportuno et cetera ad wardam curie . que differtur ad crastinum diem propter debilitatem curie .