Abirdour the quhilk day comperit Williame abirdour befor the ballieis sittand in Jugement and allegit that the said day was assignit to him to comper befor thame to haue hede pament of Richerd of cullane of tene v li' g' and xvij s' of siluer optenit vp'him obefor offering' him redy to resaue his pament and to do and vndirly Justice befor the saide ballieis nocht withstanding at the request of the ballieis the said William grantit him content to continew the said action' quhilk monunday cum aucht dais and thai chargit the four officiaris to pas' and warne the saide Richerd to comper befor thame the saide day to mak pament of the saide money to the said William as law wile eftir the tenor of the akis maid obefor considerand he was chargit be the balyeis to haue remanit in the tolbutht quhile he hed pait the said fiwe li' g'

h bavne the samyn day it was fundin and deliuerit be ane assis' Alexander rede forspekar that henry bawne sal pay to Alexander chamer eldar xx s' within terme of law

gareache the said day the balyeis assignit monunday that next cumis to thome gledstane to comper and ansuer to ane borghe strekit apone him for the wranguis' haldin fra him of xx s'

day and preif that the lande liande in the gallougate betuix the landis of vmquhile Androw moir one the northt parte and the lande of vmquhile Jonhne mathouson one the southt part pertening to Alexander rolland his cister sone and al the malis and profitis that come or micht cum tharof onywis' in tyme to cum was assignit to him for his burding' clething' and vphalding' or euir he maid ony contrake with thome Rolland or mastir James Innes or with ony vthiris anent the said lande or ony profitis that mycht cum tharof protestand' the arrestment maide in the handis of Androu Wentone of xlv markis obefor be nocht lousit to the tyme he may produce his said previs And' thareftir the ballieis witht avys' ande deliuerance of the consale assignit Wednisday cum Ane monetht to the parsone of oyne to bring' his previs befor tham to pref his forsaide allegeance And' warnit and chargit mastir Androw cadiow procuratour to mastir James Innes being' present for the tyme to comper befor thaim the said day to se the saide previs suorne and to obiek agan thame as law wile

cristy prat the samyn day it was fundin and deliuerit be the said assis' Alexander rede forspekar that Alexander chavmer of murchile sal gif vi s' and iiij d' to cristy prat and he sale gif to alexander gray ane franche crovne