Curia burgi de Abirdene tenta per balliuos in pretorio eiusdem xv die mensis octoberis Anno Domini Millesimo quadringentesimo octuagesimo Septimo
gustatores ceruisie In the evyne quartar de quo moricius bissat est seriandus Johannes henrison et alexander stabillar In le crukit quartar Duncanus straloche seriandus Johannes tailyour et alexander huchonson In the grene quartar thomas Jameson seriandus george frostar et martinus bonar In futy quartar Robertus seriandus Robertus tailyour et Andreas vocat
Appreciatores carnium Symon gardin Ranaldus tailyour Willelmus moir Junior Dauid spens thomas chapman Donaldus strathachin Willelmus nicholsone Willelmus nory
productio littere regie per dominum Johannem rudirfurd' prepositum The xiii day of nouember the yer' forsaide eftir the balman had passit throu the haile tone be oppin premunicion chargeand the haile consal and communite to comper within thar tolbutht to her our Souerane lordis lettres and gif thar' ansuer tharapon conperit comperit sere Jhone rudirfurde of tarlane knicht aldirman of the said burghe' and thar producit and schew ane letter of our Souerane lordis vndir the Signet and his subscriptione as eftir followis James be the grace of god kinge of Scottis to the consaile and communite of our burghe off Abirdene greting fforsamekile as it is schewin to vs that our lettres ar direkit chargeand' a gret part of you to comper befor ws and our consal within xv dais for a debat of the office of aldirmanschip of our said burghe clamit be Dauid menyeis quhilk office as we vndirstand ye haue geuin for' the defence of your common' profit to our louet fameliar seruitour sere Jhon' of Rudirfurde of tarlane knicht Ande the said Dauid menyes has maid a complaunt til vs one the behalf of you the haile body of the tone sayand' that the saide sere Jhon' is A mastirfull oppressour' of our liegis And for his oppressione thar may nay merchante lyve within our saide burghe' And that he has nocht the saide office with your consent bot be electioun of a few simpil personis his kynnismen quhilkis thingis gif thar be informat of verite ar richt displesand' / for our mynd was and is that our saide seruitour haue the saide office for the gud reule and common' profit of our said burghe Our wil is herfor and we charge you stratlie and commandis that ye incontinent thir our lettres sene pas' to giddir to youris tolbutht and avisitly havande E to the commone profit of our saide burghe' consider and tak knawlege of the said informacione maide apon our saide seruitour your aldirman with vtheris informacionis' as salbe schavin be him to you gif thai be maid of verite and of your mynd and will or nocht And' thareftir that ye send your mynde til ws clos' vndir your selis or vndir autentywe Instrumentis tharapone say that we ma provid for gude reule and gouernance of our said burghe in tyme to cum and mak the traspassoris ande contraris of the common proffit of the samyn to be pvnist as accordis of Justice Certifying' you that be Informacion maide tile ws be our seruitour and knicht forsaide vpone diuers' thingis that ar done contrar the common' profit of our said burghe we wil mak the samyn to be reformit and the priuilege of our said burghe to be obseruit and kepit in tyme cuming' And in the meyne tyme that ye and Ilkan of you ansuer and obey to our saide seruitour your aldirman in al thingis and to the balyeis chosin with him as ye dide obefor As ye wile ansuer to vs tharapone And vndir the hieast pane and charge that eftir may follou Nochtwithstandin our' vtheris lettres gevin in the contrar obefor Ande thir our lettres be you sene vndirstandin and deuly execut deliueris tham to giddir with your autentik ansuer to the saide sere Jhone the berar gevin vndir our Signet at Edinburghe the v day of nouember And' of our Regne the xxviij yer' / James / R' And' eftir the said letter was oppinly rede herde seyne and vndirstandyne thir personis vndir writin that is tosay Robert blinsel Jhone of Knollis mastir Androw cadiow Jhone Wormet William abirdour Robert prat Richerd hile Jhon' glenmaluyn' Robert of buchan Jhon' mar' Richerd' hil yongar Dauid Kintor yongar Jhone fechat alexander scrogis Androw murray yongar thome simsone Richerd of Cullan Jhone menyes William hay William quelp William moir eldar Jhone of Kintor Androw goldsmitht thome of Waus Jhone sanclar alexander rolland tollar William Dunbrek Symon gardyne george brone Jhone grige Donald strathachin Robert crage Dauid prat Alexander gray William andirsone yongar Jhone blak William vmfray thome sadillar henry bavne thome gledistane Robert evinsone William nory William Dauisone Dauid spens William sprvnt Will scharp thome litstar Sandy allanson patrik adamson' William verty Alexander rollande Jhone fechat Edmond' hay William gray Will ranison' Ranald' talyour thome hatmakar Robert quhit patrik Clerk thomas fif William Kintor Jhone stevinson' Patrik andirson' William giffarde Dauid hile Dauid symsone Robert flessar thome of narne Androw murray eldar Robert Kyntor James of Kennarty gilbert Moreson William of tulidef Richerd litstar William fywe Duncan lammyngtone Sandy tailyour Jhone thomsone William philp Duncan smitht Sandy baxtar Robert ouchterles' Androw audene Sandy logy Dauid talyour James of Kintor Androw ancroft James Kennarty yongar Jhone atkinsone Moris byssat Duncan straloche thome Jamesone and Robert club James crak Jhone Waus Jhone of buchane Wate of auchnef murtho glenmaluyn and Jhone of lundoris auisitly deliuerit the saide sere Jhone being removit that thai gaf neuire pouer commavnd nor commissione to Dauid menyes na to nane vthiris to gif ony bill of complant nor to mak sic senister Information' in thar name tile our Souerane lorde nor his lordis of Consale apone the said sere Jhon' rudirfurde declarand the said relacione nocht trew Ande atour thai declarit and schew that the said sere Jhone maid nane oppressione within the saide burghe apone nay man
statutum pro pistoribus laganorum the xxiij day of October the yer forsaid It was ordanit and statute be the aldirman balyeis diuers' of the consal and communite present for the tyme that na hukistar' cakbaxtar nor spillar' of the mercat sal by meile bot als'mekile as wil stede tham self fra markat day to mercat day and that thai sal tak nay straike of meile fra landmen in tyme to cum Ande quhay that beis conuikit and brekis this statut' that sal pay the first tyme viij s' onforgevin Ande gif thai be nocht potent to pay the saide viij s' thai sal stand' in the goif xxiiij s' houris